成就解鎖

妹妹在4歲半的時候終於可以自己午睡和晚上不麻尾陪睡了！！

雖然開心了一小陣子，但很快就想和妹妹一起訓覺⋯⋯ 看來是麻尾唔習慣多d⋯⋯ 😅😅

兄妹對話

哥哥和妹妹的對話⋯

爸比：唔該執返好地下d積木。
哥哥：Do 都有份玩架～
妹妹：我無～
哥哥：你有～
妹妹：無
哥哥：有
妹妹：無
哥哥：有
無限重複⋯⋯⋯

哥哥：（想出了小點子）無即係有！
妹妹：（停頓了兩秒⋯ 戰戰兢兢地說）有⋯
哥哥：（奸計得逞）哈哈哈，有姐係有！😏

嘩卡卡卡卡～ 然後，只聽到麻尾的大笑聲～ 🤣🤣🤣

超級小暖男

媽媽在哥哥考試後就病倒了。哥哥放學後很乖地，吃茶點（吃得很乾淨），安靜地做功課，洗澡（被麻尾發現忘記洗頭就回去再洗）。

做好後⋯
哥哥：（超級溫柔和有禮貌）麻尾，如果你覺得精神d，可唔可以幫我拿櫃上面的螺絲批？
麻尾：（睡得模糊）好呀。
哥哥：（1秒後）都係唔好啦。你休息先，唔好夾硬黎。我等爸比返黎先。

多謝哥哥為麻尾著想，雖然自己很想拿螺絲批整玩具，但看到麻尾不舒服，就自覺地讓麻尾先休息。

大量的哥哥

妹妹晚上sun 鼻涕時把紙巾塞進了哥哥新買的潤唇膏裡面。哥哥早上起來發現了，走來向麻尾投訴。麻尾答應妹妹起床時會訓示她。

中午哥哥回來時⋯⋯
麻尾：今早爸比已經話左妹妹啦。
哥哥：（一臉茫然）話她什麼呀？
麻尾：⋯⋯ 你唔記得嗎？她曳呀！
哥哥：（嘗試記起⋯ 但失敗）曳咩呀？

嗯，原來哥哥已經沒有把這件事放在心上了。：）

能言善辯的妹妹

由嫲嫲家走回來，妹妹要求抱抱。麻尾答應走到包包姨姨的店先抱，妹妹同意。到包包姨姨店舖是，妹妹掛住和麻尾傾計，忘記了要抱這事。

麻尾心裡竊竊暗喜，繼續向前走。走到家門街口時⋯⋯

妹妹：（平靜地說）麻尾，你唔係話抱架咩？
麻尾：（尷尬地笑，以為可以胡混過去）⋯⋯ 😅
妹妹：（平靜又帶小小教訓的語氣）如果你唔做，下次我應承左你既野都唔做架啦。😏

麻尾被教訓了⋯ 😬

*********************************************
鬥嘴

哥哥和妹妹鬥嘴⋯

妹妹：你唔可以咁大力打人架！
哥哥：（狡辯）我控制唔到架，係咁大力架啦。🤷🏻‍♂️
妹妹：（義正詞嚴）我都控制到，點解你控制唔到呢！！

隨著兩兄妹逐漸長大，鬥嘴越見精彩。

甜蜜的感覺

平時晚上一般都是麻尾給哥哥妹妹講故事，有時看著書講，有時他們給題目，然後即使創作。

今晚，哥哥照常要求麻尾講故事，但麻尾想撒一下嬌⋯⋯

哥哥：麻尾，講故事。
麻尾：不如今次你講返俾我聽呀～
哥哥：唔好啦～
麻尾：我講左7年故事俾你聽啦wor，差唔多每晚都講，你講返一次俾我聽啦～～～
哥哥：（竟然爽快答應）好啦，你俾個topic我。
麻尾：嗯⋯ 我想要小豬和小貓。

然後哥哥就即時講了一個睡前小故事給麻尾聽。原來躺在床上，有人講故事給自己聽是一件很甜蜜的事。😘

多謝哥哥。

搬去大埔

和妹妹散步⋯⋯

麻尾：如果我地養隻貓，你可唔可以掉曬d 玩具，俾位隻貓訓？
妹妹：（馬上答應）可以。
麻尾：好啦，如果搬去加拿大住就養一隻貓啦～
妹妹：（很認真）又或者搬去大埔住都可以養。
麻尾：⋯⋯ 點解大埔可以養呢？
妹妹：因為大埔大d 嗎～

之前講笑話搬去大埔就多d 空間，原來妹妹有聽住。

比Youtube 還要好的東西

哥哥無啦啦走過來⋯

哥哥：麻尾"攬字"～

*攬住*

哥哥：hm～ 攬住真係好呀～ 攬住重開心過看Youtube 呀！

多謝你。

都係唔好啦～

有天在討論要不要多一個弟弟或妹妹⋯

妹妹：（興奮地說）我想要一個妹妹。
麻尾：如果要多個bb 你就要幫手餵奶同換片，得唔得呀？
妹妹：（很有信心）得！
麻尾：但係bb 係需要麻尾照顧，所以晚上你要自己訓，因為麻尾要照顧bb。o 唔 ok？
妹妹：（沈默幾秒⋯ 輕聲地說）都.係.唔.好.啦⋯⋯

過幾天再問同，答案還是一樣，話還是喜歡和麻尾訓。

性格大不同

每次經過夾公仔舖頭，哥哥都會要求進去玩。

麻尾：咁如果夾到公仔係唔係掉左Toby？
哥哥：（馬上不捨得）唔係。
麻尾：咁掉左鷹鷹？
哥哥：唔得⋯⋯

當麻尾以為得逞時，妹妹插嘴⋯

妹妹：我掉左鴨鴨，我去夾公仔。
麻尾：😑😑😑

哥哥(6y8m)比較重情意，妹妹(4y0m)較重眼前利益。

反口的妹妹

之前⋯

妹妹：我4歲個陣就自己訓，唔洗麻尾陪。

4歲生日當晚臨訓時， 妹妹樣子很尷尬地走過來⋯⋯

妹妹：（嗲聲嗲氣，有點不好意思，慢慢地說）麻尾，我唔捨得你呀～～

麻尾裝作聽不到。妹妹繼續重複⋯⋯ 😅😅

睡覺前大發現

妹妹睡覺時喜歡把腳伸入麻尾的衣服內取暖，有時還會伸進褲子裡。

妹妹的腳從麻尾的褲子伸進屁股，幾秒後⋯⋯

妹妹：（輕聲地說出她的驚訝大發現⋯⋯）麻尾，我覺得你個pat pat 好似有d 紙。
麻尾：（極力忍笑）係，因為係麻尾d片片。

然後兩人大笑～ 哈哈哈哈哈～ 😂

超感動

今天爸比不太舒服，晚上很早就休息了。哥哥在吃水果時，突然走過來⋯⋯

哥哥：（輕聲地說）麻尾，爸比唔舒服，我聽日搭校車啦。

麻尾那刻真的感動得想喊。

充滿愛的妹妹

早上上學妹妹玩玩具⋯ 麻尾開始有點不耐煩而且語氣可比較重！

妹妹馬上自己去穿鞋子，她看到麻尾時溫柔地說⋯⋯

妹妹：麻尾，你隻腳之前整親個到好返未呀？

多謝妹妹不嫌棄麻尾脾氣差，還是關愛著麻尾。

第三次英文測驗

經過8個月的小學生活，哥哥在第三次的英文測驗終於合格。雖然麻尾盡量控制自己不提分數的重要，但結果時還是不禁地覺得興奮。

這次測驗其實是第一次有認真地準備。哥哥也很配合。老師在測驗卷上蓋上 "Improved a lot. Keep it up!".

在爸比麻尾眼中，哥哥的進步真是遠遠超過我們預期。由悠閒的幼稚園到坐定定，要測驗默書的小學，確實是很大的轉變。

希望哥哥可以繼續享受小學的生活。爸比麻尾會繼續陪你成長。

窩心的哥哥

爸比突然鼻敏感發作，連打十幾個噴嚏🤧⋯⋯

麻尾：爸比唔舒服，你明天可唔可以早上搭校車？等他可以休息一下。
哥哥：（不假思索，爽快答應）好呀！

哥哥雖然很喜歡爸比每天送回校，一齊吃早餐。但知道爸比不舒服，就馬上同意自己搭校車。哥哥真的很愛惜爸比。

妹妹講普通話

妹妹突然問麻尾⋯

妹妹："崩" 點解呀？
麻尾：（一頭霧水）什麼崩？係唔係蹦蹦跳個蹦？還是件野爛左個崩？
妹妹：唔係。老師話你好"崩"呀！（同事豎起大拇指）
麻尾：（極力忍笑！！！）哦，係唔係"棒"呀？好棒呀！👍🏻
妹妹：係呀係呀！
麻尾： waahahahhahahah～

純真妹妹

情感豐富的妹妹

第一次一家人去看《小飛象》電影，開場前有點擔心妹妹未必看得懂。畢竟是由真人演繹，不是卡通片。

但妹妹出奇地能坐足整套電影，而且非常投入。看到中段感人情節時竟然聽到妹妹索鼻的聲音⋯⋯ 

妹妹：aiya，點解咁殘忍架，搞到我流曬眼淚💧（一邊講一邊擦眼淚）

麻尾覺得感動又好笑^_^。

回家後更能講故事重點覆述給嫲嫲聽～ 真是一個小驚喜。

妹妹日常

分工合作

麻尾準備和妹妹出街，麻尾想各自換衣服⋯

麻尾：我地分工合作，快d 換好衫然後出街好唔好～？

妹妹：（積極地）好！

麻尾換好衣服後，發現妹妹只換好上衣⋯

麻尾：點解唔著褲呀？

妹妹：分工合作呀嘛。我著衫，你著褲。

麻尾：—_—' ok。

********************************************

Miss Wong

妹妹：教我芭蕾舞個老師姓黃架。

麻尾：哦，黃老師。

妹妹：（認真地）唔係。係Miss Wong。

麻尾：—_—' ok。

********************************************

喜歡麻尾

麻尾：點解你咁鍾意我？

妹妹：因為你係世界上最溫暖既麻尾！

麻尾：（心心眼）

********************************************

小甜心

早上送妹妹上學的時候⋯

妹妹：爸比好耐無送我返學啦！我想爸比好似你咁拖住我送我返學。

冧死爸比了。

*********************************************

愛護哥哥

哥哥和叔叔去街後在門口不肯回家。

叔叔：（作勢）妹妹，我地關門啦，留阿哥係外面。

妹妹：（緊張又認真地）唔得！他係我哥哥黎架嘛！

：）

*********************************************

邏輯妹妹

妹妹有新貼紙，麻尾想要⋯

麻尾：你送貼紙俾我得唔得？

妹妹：（一如以往）唔得。

麻尾：hm⋯⋯貼紙係妹妹既，而妹妹係麻尾既，所以貼紙都係麻尾既！

妹妹：（馬上回答）唔係～ 麻尾係妹妹既，貼紙都係妹妹既。

*********************************************

自理妹妹

三歲八個月，妹妹會自己換衣服，換校服和疊衫！！更會幫忙收拾圖書。而且很愛看書和讀字。

*********************************************

安慰麻尾

麻尾咆哮完哥哥後很難過，趴在床上。妹妹靜靜地坐在我旁邊。

麻尾：我唔開心呀⋯ ：（

妹妹二話不說給麻尾一個溫柔的擁抱，在輕輕地親了麻尾一下。

撒嬌的感覺真好。

*********************************************

妹妹觀課

麻尾去妹妹學校觀課，在音樂課和恆常課妹妹都表現積極，專心，還會主動舉手答問題。

主動舉手真的需要很多勇氣。讚！

妹妹日常

妹妹半夜叫麻尾過去⋯

妹妹：@$xudj⋯⋯痾⋯尿⋯
麻尾：好，我地去痾尿。
妹妹：唔係呀！係痾左尿。
麻尾：⋯⋯

****************************
妹妹看醫生

晚上妹妹發燒，但很精神。主動要求去看醫生。見到姑娘⋯

姑娘：你邊到唔舒服呀？
妹妹：（自行回答）我咳咳呀！
姑娘：你有沒有鼻水呀？
妹妹：（自信地）有呀～
姑娘：好叻wor。

****************************

妹妹IQ 題

妹妹無啦啦發問⋯

妹妹：長既相反詞係咩？
麻尾：短。
妹妹：（表示滿意）咁硬既相反詞係咩？
麻尾：（自信地）軟！
妹妹：（得戚地）唔係！係淋！淋bat bat！
麻尾：⋯⋯ 你啱。

終極屎尿屁

哥哥晚上選百科全書內的'為什麼會尿尿和大便？' 拿給麻尾時已經不懷好意地奸笑⋯⋯

麻尾認真地解釋人體結構，大腸、小腸、直腸⋯ 氣氛很平和。然後解釋肛門⋯

麻尾：呢到係肛門。
（哥哥妹妹一臉茫然，麻尾繼續解釋⋯）
姐係屎忽窿。

雖然極力忍住，但'屎忽窿'一出，整個房間充滿爆笑聲！！！！！

請謹記今天的親密關係

哥哥6歲，妹妹3歲半。麻尾非常享受做你們的媽媽。雖然時而麻尾會失控爆炸，但麻尾十分喜歡和你們一起親密的時光。

晚上講故事；洗澡用蒸氣畫畫；為你們煮喜歡的食物；一起洗菜炒蛋；玩UNO、鬥獸棋、飛行棋；晚上相擁而睡；無聊時'攬字'一下⋯⋯

麻尾會記住這些細小而甜蜜的回憶，希望你們長大後還能記起這些零碎的親密片段。

睿智哥哥

由於學校lift off 和小提琴版撞時間，和哥哥商量應該如何安排⋯⋯

爸比：星期二如果上lift off 就上唔到小提琴班。不過你可以選擇星期六到梁老師家裡上課。
哥哥：嗯，但星期六日係用黎休息架wor。
爸比：^_^ （表示同意）

幽默的哥哥

麻尾就快生日，大家討論到哪兒慶祝。然後哥哥突然建議⋯⋯

哥哥：不如去潮福呀！
麻尾：（滴汗中）⋯⋯

然後大家相視而笑。哥哥知道麻尾不喜歡去潮福飲茶，故意整蠱麻尾～

抵鍚的哥哥

放假早上討論去哪裡吃早餐，麻尾想去飲茶，哥哥不同意，他想去麥當勞～

這時婆婆打電話來邀請大家到她家樓下的酒樓飲茶，哥哥一口答應！！

難怪公公婆婆那麼愛鍚哥哥。

搞笑妹妹

爸比沖完涼突然問哥哥⋯

爸比：叔叔個朋友叫咩仔？（其實是維仔）

哥哥正想講，妹妹就搶答⋯

妹妹：（大聲地且有信心地）係肥仔！！

Waakakkaaa～～ 全家笑到肚疼～

兄妹情深

放假哥哥到嫲嫲家玩，晚飯後，妹妹在家突然哭泣⋯⋯

麻尾：你做咩喊呀？
妹妹：（好可憐的樣子）我好掛住dor dor 呀⋯ wuwuwu

真的很掛住。妹妹都未試過因為麻尾出差而喊～ 妹妹真的很愛哥哥。：）

生日禮物

哥哥向麻尾要求生日禮物⋯⋯

哥哥：我生日想要個電話。
麻尾：要個電話做mer？
哥哥：打電話咯。同埋你無電個陣可以借比你。（不直接講出真正用處）
麻尾：咁我比返我以前個個只有打電話功能既電話比你啦～ （以為自己既答案好醒目）
哥哥：你唔可以送用過既嘢俾人做禮物架～～

麻尾: 0 vs 哥哥: 1

有公德心的哥哥

早上送妹妹上學時在走廊電梯口旁發現一袋垃圾，買完餸後，垃圾還在那裡。應該是新鄰居以為放在電梯口就會有人清潔。

中午哥哥回來時見到，我和哥哥討論要不我們寫張字條告訴新鄰居大廈垃圾桶的位置，再附上圖表指示⋯⋯

午飯後和哥哥外出買雪糕，當麻尾還在想怎樣寫字條，哥哥建議不如我們幫鄰居把垃圾扔了。麻尾第一個心理反應是，又不是我們的垃圾為什麼要幫其他人扔呢？

但哥哥堅持，最後我們還是幫忙扔了。

原來麻尾的公德心只是在嘴裡，哥哥的公德心在行動上。

P.S. 哥哥用自己的零用錢請清潔婆婆喝橙汁。

哥哥的第一個考試

麻尾這幾天幫哥哥溫習，其實只是大概每天30分鐘，但發現哥哥竟然可以自己讀出80%的Frog and Toad故事⋯⋯

三個月上學前，他連26個字母的次序也不是太搞得清楚⋯

現在很基本的題目已經看得懂。在麻尾爸比心目中，不需要任何考試，哥哥的表現已經遠遠超出爸比麻尾的期望了。考試快過快快去玩～～

妹妹話語

下午午睡前⋯

妹妹：我掂下你個面登豬先！*掂*
麻尾：係面豬登呀⋯⋯ —__—

************************************

哥哥和爸比在看郵輪書⋯

爸比：呢到就係Sick Bay。
妹妹：（搶答）呢到係比你識人既！

************************************

麻尾和妹妹臨睡前⋯

麻尾：點解你咁鍾意攬住我？
妹妹：因為你有好多溫暖～

哥哥的英文默書

第三次的英文默書，哥哥和麻尾都可以堅持到每天學習5個字。這次的溫習明顯比頭兩次順利。哥哥開始掌握到哪些字母是發出怎樣的聲音，溫習起來真是事半功倍。

這次分數竟然是95分！！哥哥竟然連unseen的字都會！！錯的都是將字無故分開，突然變大寫⋯ 看到哥哥願意每天溫習一點，他的努力得到老師寫的 *Improved*，麻尾真的很激動。分數真的不重要，重要的是你那正面學習的態度和堅持。加油！麻尾會陪伴你！

媽媽最好的時光

做媽媽可以很累，早起，打掃，洗滌，煮食，清潔，接送，教導，陪伴，調解，咆哮⋯⋯

但當快6歲的哥哥主動要求麻尾陪訓，感覺總是甜甜的。一起擠在小床上，靜靜地聽麻尾訴說陀著自己的點點滴滴。

每天中午都會吃潮興牛腩河加菜和辣椒醬，因為潮興最快，可以爭取時間午睡。午睡是希望bb 哥哥能夠吸收多些營養。每次午睡前麻尾都會摸著肚子對bb 哥哥説⋯⋯

麻尾：bb～ 麻尾現在睡覺了，你要努力吸收營養，健健康康！：）

哥哥雖然沒有說話，但感覺他也是甜甜的。大概是感受到媽媽的愛吧！反正麻尾是一廂情願地認為是這樣的！！

在那刻，多累也願意。

第二次英文默書

哥哥第一次默書由於前一晚才開始溫習，最後得5分（而且好似是抄的⋯⋯）。第二次英文默書，哥哥願意提早溫習，首先認詞語和讀音，然後每天串幾個字。第二次成績24分。

無論態度和分數都有明顯進步。而且哥哥還高呼⋯⋯

哥哥：好野！今次24分！
哥哥：下次一定要高過24分！！

真是正面得令麻尾慚愧，這也是麻尾希望你有的學習態度。一步一步，不急不趕。爸比麻尾已經為你的進步感到驚嘆。

比起99分要收起試卷的其他小朋友，我還是欣賞為24分而高興，而興奮的哥哥。

麻尾真的為你而自豪。

小暖男 （二）

麻尾的電話開始壞， 爸比答應買一部新電話給麻尾。


哥哥知道后，主動向爸比提出要夾小小錢。 哥哥並沒有張揚，只是在背後靜靜地跟爸比說。


麻尾知道后感動得想哭~~~

小暖男 （一）

公公因爲身體問題沒有和大家一起去日本， 回來后的星期五， 哥哥主動要求星期六，日和公公飲茶。。。


哥哥： 公子，呢六日我無見過你，我想同你飲茶~
公公： 好呀！
哥哥： 你呢六日有沒有食煙呀？
公公： 無呀！
哥哥： 真係無？
公公： 係呀！無呀！
哥哥： 係唔係講真架？

天使寳寳

哥哥剛剛完成小學生活的首兩週。 大致上一切順利。 雖然要 6:30am 起床， 頭站上車， 尾站下車。 上全日班， 在校午飯， 全英語教學。。。 他卻沒有太大的不適應。


回想起來，哥哥確實是個天使寳寳。 很多東西不需要大家太操心， 時間到了就可以做到。


兩個月自然睡天光。
兩歲多在上幼稚園前自然戒尿片。
五歲多在上小學前的暑假自然不午睡。


麻尾爸比希望哥哥會喜歡學習，喜歡知識，喜愛生命。

小息

中午婆婆帶哥哥回家。。。

婆婆： 今日哥哥食左9只餃子~ （平時一般只食7只）

麻尾沒有為意，以爲哥哥長大了所以吃多點。 過了一會兒。。。

哥哥： （平淡地說） 麻尾，我今日無小息。
麻尾： （摸不着頭腦） 點解？
哥哥： （繼續平淡地說） 因爲你無帶小食。

麻尾大驚！！ 這兩周是小一適應周，上課形式和小學一樣，有早會，小息。 同學要自行帶水和小食回校。

麻尾： 你未無野食咯？
哥哥： 係呀。
麻尾： 咁你小息做咩呀？
哥哥： （漫不經心） 玩手指咯！
麻尾： （原來小息沒有東西吃所以中午特別餓。。。 麻尾很心痛和内疚） 對唔住呀！

之前一晚麻尾半夜還起床幫哥哥執書包，還以為自己很醒目。。。 點知還是非常論盡。 V_v

但麻尾很欣賞哥哥處理的方式，沒有怪責任何人，沒有發脾氣，只是當小事一宗。 非常大量哦！

搞笑妹妹

午餐時和哥哥傾計⋯

麻尾：⋯唔好放棄⋯
妹妹：（好大聲）放屁～?

*****************************************

晚上睡覺時⋯

麻尾：你枕頭上面的兔子叫Peter Rabbit。
妹妹：（奸笑）Pizza？Pizza Rabbit？

男仔女仔

早前妹妹有一晚要求和爸比訓，麻尾以為以後也會合爸比訓⋯

麻尾：妹妹，今晚你同爸比訓。
妹妹：唔好啦。同麻尾訓。
麻尾：點解呢？
妹妹：（非常認真）因為爸比係男仔呀嗎！我係女仔，所以要同麻尾訓咯。

你又有道理。：）

妹妹晨早對話

妹妹早晨和爸比對話⋯

早上7點多妹妹走過來⋯

妹妹：爸比，你起身啦～
爸比：嗯。
妹妹：爸比，你快d起身同我玩啦～
爸比：嗯。
妹妹：爸比，你好耐無同我玩啦wor～
爸比：嗯。
妹妹：（超級嗲+重鼻音）爸比，唔該你啦～～
爸比：（應該在甜笑）嗯。

小小偷

早上鬧鐘響起⋯ 哥哥走過來，溫柔地對麻尾講⋯⋯

哥哥：你訓多陣先啦，唔洗理我～ （非常溫柔地，麻尾十分冧）

然後麻尾眼尾看到哥哥的手慢慢地伸向放在窗台的電話。到手後馬上拿走⋯⋯

可是，電話被充電的電線卡著，不能迅速逃離現場。而且還整醒左麻尾～ ^_*

父親節禮物

父親節前幾天晚上，妹妹一如以往和麻尾訓，麻尾一如以往躲在被窩裡看韓劇⋯⋯

剛訓低一陣，妹妹走過隔壁房間⋯⋯

妹妹：爸比，我想同你訓呀～
爸比：（極度驚訝）同我訓？（完全不能相信自己的耳朵）
妹妹：係呀。同你訓！

由妹妹出生到現在⋯ 是妹妹第一次主動提出同爸比訓～ 應該是爸比最好的父親節禮物～

妹妹數數

妹妹看著書本在數蝸牛。。。

妹妹： 1。。。2。。。3。。。
麻尾： 有幾多只蝸牛呀？
妹妹： 好多只！
麻尾： -_-"

哥哥甜心

晚上麻尾在鈎野，哥哥突然走過來。。。

哥哥： 麻尾，我買鑽石耳環俾你呀！~
麻尾： （受寵若驚） 你知道我無鑽石耳環，所以你送俾我呀？
哥哥： 係呀！你仲鍾意d 乜野呀？ 我儲錢買俾你~
麻尾： （給哥哥一個kiss！） 多謝你呀！ （muah！muah！）
爸比： （乘機。。。） 麻尾好開心！獎她講多兩個故事！
哥哥： 麻尾好累呀！講一個得啦。 另外個個爸比講！
麻尾： wowowo~~~

哥哥是一個小甜心！

口甜舌滑的哥哥

麻尾剛完成一個公仔，問爸比和哥哥意見⋯

麻尾：靚唔靚呀？
爸比：（靜默）⋯
哥哥：（有點不好意思）都幾好呀～
麻尾：係唔係好架？
哥哥：（認真地問）你話我知你想我點講呀？
麻尾：話好靚好靚～
哥哥：好靚好靚～

**********************************************
過關

在香港機場過海關時，海關姐姐在檢查大家的護照⋯

哥哥：你好靚呀。
海關：嗯？你講咩呀小朋友？
哥哥：你好靚呀～
海關：（甜笑中）多謝你呀～～

愛美的妹妹

KCC 的嘉年華會有一個畫臉的攤位，麻尾陪妹妹在烈日當空下等了超過一個小時。途中麻尾嘗試說服妹妹放棄排隊去玩其他遊戲，但妹妹還是堅持⋯ ⋯ 就算等到滿頭大汗，雙腳痲痹，還是乖乖的站在那裡。

選花紋也很爽快！麻尾提醒如果花紋畫在臉上可能有點痕癢，妹妹表示明白。果然，畫的時候非常合作，合上雙眼，坐定定。畫完滿足地甜笑。

愛美是天生的。：）

2018 年 3 月

仁愛的哥哥

3月12日，談話中突然想起今天是太婆的生日。 哥哥知道后馬上說。。。

哥哥： 不如我地燒個蛋糕比太婆呀~

太婆若知道一定覺得很窩心。

********************************************

義氣的妹妹

哥哥胡亂揮動玩具觸怒了爸比，爸比正在閙哥哥的時候妹妹突然走到哥哥身旁，並主動拖住哥哥的手陪伴他。

********************************************

自然離乳

妹妹在農曆新年后就沒有再要求埋身了。 雖然間中有講要奶Do，麻尾話奶Do 已經執左lup 啦。 妹妹也沒有太堅持~

妹妹全埋身了30個月，2嵗半的時候麻尾正式功成身退，完成了麻尾人生中需要最大堅持和耐性的事情，但一切都是值得的。

********************************************

半職媽媽的365天

轉做半職差不多一年，這一年過得好想比以前快，可能生活的節奏非常有規律。 但千遍一律的生活卻充滿小甜蜜和幸福感~~

- 每天可以幫哥哥沖涼，和他小時候一樣，幫哥哥沖涼總是有種療愈感

- 由從前要咆哮和多番修改才能完成功課，到現在自動及獨自完成功課，哥哥真的長大了

- 妹妹的午睡由30分鐘增加到3小時！！ 此乃最大的成就！

- 麻尾的廚藝提升到能根據手上僅有的材料做出美味的食物， 每天晚上基本都有三餸一湯。 掌聲鼓勵！！！

- 偶爾中午會和哥哥妹妹一起午睡， 午睡前的無聊遊戲， 呵呵哈哈， 看著最愛的子女睡在麻尾兩旁，那一刻， 放棄事業/工作什麽都願意。

- 由緊張呼呼的準備晚餐煲湯處理工務， 到一起午睡還能及時安排晚飯， 效率提升！！

- 兩兄妹還是會有爭吵， 但已經慢慢熟悉大家的脾性， 感情增進不少

- 每天晚上能夠一家四口一起晚飯， 每次都把所有的餸菜吃光， 就是麻尾最大的成就感

- 麻尾沖涼和大小解都會有小玩伴坐在面前陪伴

- 每天晚上臨睡前哥哥都會過來給麻尾一個熊抱，甜蜜爆燈

- 哥哥情緒穩定， 也開始懂事

- 妹妹天天嗲麻尾， 臨睡和睡醒都窩在麻尾懷裏，冧到暈

- 感謝爸比主動幫忙家務，每天洗完，經常誇張麻尾廚藝了得~~

哥哥妹妹各自將進入新堦段，麻尾會幫助你們渡過新里程！！

朱古力

教妹妹正確發音。。。


麻尾： 係“朱古力”
妹妹： Du Do Nick
麻尾： （豬型嘴） 朱~~
妹妹： （豬型嘴） 朱~~
麻尾： 古~~
妹妹： Nick！


麻尾： 唔係！！係“古”！！
麻尾： （豬型嘴） 朱~~
妹妹： （豬型嘴） 朱~~
麻尾： 古~~
妹妹： Nick！


O_o"

袋

晚飯時討論麻尾的生日。。。


爸比： 麻尾就快生日啦wor！
妹妹： 你想要咩禮物呀？
麻尾： （正在想要什麽禮物。。。）
妹妹： （很自然地。。。） 你想唔想要袋呀？


-_-" 一個兩歲的手袋黨~！！

Bye

中午跟婆婆家準備離開。。。


麻尾： 哥哥都識好多英文架！
婆婆： 咁“我依家走啦” 英文點講呀？
哥哥： （想了兩秒） Bye！


Waakakakaa!!!

掉牙齒

早上幫妹妹換衫。。。

妹妹： 嫲嫲甩左隻牙呀！
麻尾： 咁她有沒有 wear wear wear 呀？
妹妹： （很認真地。。。） 小朋友先 wear wear wear 架！
麻尾： 咁你會唔會 wear wear wear?
妹妹： 會呀！因爲我係小朋友呀嘛！

麻尾學校

收到麻尾學校幼兒園的面試邀請。。。

麻尾： 妹妹，你遲d去麻尾學校同老師玩下好唔好呀？
妹妹： 好！（想一陣。。。） 我已經有哥哥學校啦，唔洗去麻尾學校~

-__-"

星星

在黃金海岸酒店早上醒來，打開窗簾，看到太陽正照在海面上，有閃閃的反射。

哥哥： 爸比麻尾，你地睇下~ 個海好似有好多星星咁呀！~

^__^ 形容得非常貼切準確。

胎内記憶

麻尾： 你系麻尾個肚到點出黎架？
妹妹： 捐出黎咯！
麻尾： 你出來個陣有沒有喊呀~？
妹妹： 無呀~
麻尾： 你出黎明個陣見唔見到爸比？
妹妹： 見到~
麻尾： 你出黎之後訓系邊到呀？
妹妹： （指住麻尾的心口） 依到！

以上對話在不同的時間問了幾次，每次的答案都一樣呀！！
再次，麻尾相信這是胎内記憶~ ^o^

妹妹冧功

臨睡時。。。

妹妹： 麻尾，你嬲唔嬲呀？（重鼻音~）
麻尾： （扮野。。。扁嘴） 嬲呀~
妹妹： （很鎮定，深情地望住麻尾） 咁我錫返你呀！

然後， 錫錫麻尾兩邊臉再加一個熊抱~！！

妹妹： （再問） 麻尾，你嬲唔嬲呀？（重鼻音~）

*********************************************************

換片無聊時。。。

妹妹站在麻尾正前方，突然雙手鍊住麻尾個嘴唇，將佢按扁，再嘟起個嘴很快地鍚落黎。。。

麻尾冧到有戀愛的感覺~ ^o^

*********************************************************

臨睡時。。。

妹妹： 麻尾，我好開心呀~
麻尾： 點解你咁開心呀？
妹妹： 因爲麻尾唔嬲呀~

^___^ 三句對話就KO麻尾。。。

*********************************************************

睡得模糊時。。。

妹妹會靜靜地碌過黎麻尾旁邊，然後悄悄地錫麻尾幾啖再訓返~

麻尾表示很甜蜜。

*********************************************************

閒談。。。

麻尾： 你系嫲嫲到訓覺做咩喊呀？
妹妹： 因爲我好傷心囖！
麻尾： 點解咁傷心呀？
妹妹： 因爲我好掛住麻尾呀嘛！

2017年12月16日 - 星期六

早上和爸比和妹妹出去，大概中午時分回家。 就快到大堂時，看著爸比的背影已經感受到他的緊張。。。 還是麻尾自己緊張呢。。。？

打開信箱發現。。。 兩封信！！！

一封比哥哥，一封比妹妹！

爸比吸一口氣，先拆妹妹的 （其實本來應該下星期二才會收到妹妹的信）。。。 取錄！~ 上午班！~ YEAH！！

入電梯后開始拆哥哥的。。。 爸比一邊拆信，一邊喃喃自語， "咁薄，都係唔得架啦。。。"

這時候麻尾看到信封裏面有幾張紙，然後爸比把信拿出來。。。 取錄！~

同一天收到兩個好消息。是哥哥最好的生日禮物！！

小一信。。。

今日應該會收到 DBS 的信知道收唔收哥哥讀小一。。。

昨天系信箱收到一張郵局通知話有郵件系郵局。。。。 於是麻尾去拿~~ 點知郵差話要今日下午先有得拿~~~

麻尾以為是 DBS 信~~ 因爲可能早一日收到~~

然後麻尾同爸比 講，話可能是學校寄來的信。。。

但爸比非常肯定話不是。。。 

因爲是他滙豐卡的惠康 coupon。。。。

V_v..............!!!!!!

承受後果

晚飯后本來興高采烈地打算出去食糖水，哥哥在走廊和電梯裏面大叫及大聲唱歌。 在大廈大堂被麻尾叫回家，取消吃糖水。。。 哥哥馬上眼氾淚光，回到家馬上爆喊，但仍然極力爭取理論。。。

哥哥： 我唔知道真係要上返黎呀。。。 （眼眶裏大大的淚珠在滾動。。。）
麻尾： 你唔知道系電梯裏面唔可以大叫嗎？ 麻尾之前是不是講過好多次！！
哥哥： 我想同爸比講。。。
麻尾： -_-"

爸比： 你要做曳野，就要承受後果。
哥哥： 你地d 後果次次都唔同，我都唔知道點。
爸比： （你又好似講得 arm。。。） 咁知道後果系乜野又會點？
哥哥： （喊住講。。。） 如果我知道後果系乜野，我先知道我承唔承受到架嗎！
爸比： 承受到就可以曳？
哥哥: （輕聲回答。。。） 系。

然後大家同意以後先説明後果，讓哥哥知道是否能夠承受。。。 V_v 但能夠在那麽苦惱傷心的情況下還可以清晰地說出自己的感受，爸比麻尾都表示讚賞~ ：D

哥哥金句

麻尾一打二，煮完午餐再晾衫，非常疲倦時⋯

哥哥：麻尾你知唔知道我有幾鍾意你呀？
麻尾：唔知呀～
哥哥：係由地球中心到宇宙既距離咁多～

嘩～ 點解可以咁口甜～ ^o^

妹妹的對話

妹妹痾完屎屎洗patpat時，有些殘留的東西在patpat 上。。。

麻尾： 呢d咩黎架~？
妹妹： 呢d咩黎架~？
麻尾： 你問下你個patpat 呢d咩黎既~？
妹妹： 我個patpat呢d咩黎架~？

*********************************************************

妹妹首先完成晚飯， 在廳内玩耍。。。

哥哥： （正在吃飯） 倩怡，你爬上沙發~
妹妹： （好認真的望住麻尾） 麻尾， 哥哥叫我爬沙發wor~ （打完小報告后就奸笑，然後爬上沙發）

*********************************************************

哥哥妹妹玩完滑板車后一齊用盆沖涼。 麻尾在廚房準備晚餐，他們倆獨自在裏面玩水。
抱妹妹出來后，她投訴。。。

妹妹： 哥哥噴我呀~
麻尾： 噴你邊到呀？
妹妹： 噴我脖頭。。。
麻尾： 用咩噴？ （以爲是用剪頭髮的噴水樽）
妹妹： 用沖涼機咯！！
麻尾： ^o^

*********************************************************

妹妹在大廁所痾屎屎，要看書。。。

妹妹： 我想要woody 書。

麻尾拿來 woody 書後。。。

妹妹： 唔係依本呀！系woody 書書呀！
麻尾： 呢本未系 woody 書書咯！
妹妹： （有點猛增） 唔係呀！系woody 書！！
麻尾： 係唔係巴斯光年書？
妹妹： 唔係。。。 。。。
麻尾： （靈機一觸） 係唔係貝兒書？~
妹妹： （終于笑了） 系呀！
麻尾： -_-"

**********************************************************

晚上爸比過來大床訓在妹妹的位置。。。

爸比： 比小小位我訓得唔得呀~？

妹妹本來在床尾，馬上爬過來訓在自己枕頭上。。。並合上雙眼。

妹妹： 無位呀~

爸比在枕頭另一邊嘗試訓落去。。。

爸比： 呢邊有小小位wor~

妹妹馬上轉身把空位霸佔，繼續扮訓覺。

妹妹： 呢邊都無位呀~

哥哥金句

晚上叔叔和 Bertha 來和哥哥玩。 叔叔給了一粒糖哥哥吃。 笑得太開心的時候， 糖由哥哥的口掉了出來。。。
叔叔： （整蠱哥哥） Or！~~ 你 lur 糖落地下~~ Or！~~~
哥哥： （鎮定地） 唔係呀！我唔係 lur 糖呀~ 我控制唔到粒糖，而粒糖又控制唔到自己，所以跌左落地下~


*********************************************************************
星期六早上的對話。。。
爸比： 你係唔係聼日藍色緊褲比我呀~？
麻尾： 聼日 10 點爸比要打波，鋪頭應該未開wor
哥哥： （冷靜地） 聼日鋪頭唔係未開，係唔開！聼日星期日呀嘛！


*********************************************************************
早上吃早餐準備上學。。。
麻尾： 食快d 啦~ 就快遲到啦~！
妹妹： 你慢慢食，唔洗急架~
爸比： 正常速度得啦~
哥哥： （發火） 你地一個叫我快d，一個叫我慢d，一個叫我正常速度，咁我聼邊個好呀？！

沒有鼻哥⋯

哥哥做功課時需要畫全家福。畫完之後麻尾發現大家都沒有鼻子。

麻尾：大家都唔鼻哥既？咁未無得撩鼻屎咯? 呵呵呵⋯⋯（以為自己懶得意⋯）

哥哥：（沒有好氣地解釋⋯⋯）無鼻哥點樣撩鼻屎呢？

麻尾：-__-''

妹妹愛哥哥

一家四口去超級市場，妹妹經過糖果架，突然停步，指著哥哥最喜歡的那種朱古力⋯

妹妹：比哥哥食朱古力。

之前哥哥因為病，麻尾不答應買朱古力。現在哥哥好返，妹妹卻是第一個記得哥哥可以吃朱古力。

臨走的時候，麻尾叫妹妹告訴哥哥，剛才妹妹叫麻尾買什麼比哥哥。妹妹拖著哥哥的手走到朱古力面前，看見哥哥展開又驚又喜又甜的笑容，麻尾真的溶化了。兩個互相擁抱多謝後，哥哥馬上說⋯

哥哥：好！等我買返d 糖比你先！

你依家已經好靚

和哥哥看完爸比打球後，麻尾去剪髮。

哥哥：你依家已經好靚啦！剪左頭髮就唔靚。

其實是不想麻尾離開，但tum 得麻尾好開心～：）

照顧麻尾

之前麻尾發燒，很累，又喉嚨痛。 麻尾躺在床上休息。。。

哥哥： 麻尾，你好返d 未呀？（溫柔地問）
麻尾： 你問完就馬上好返好多啦~
哥哥： 我想問你d 野呀。。。 你想唔想飲杯水呀？
麻尾： 好呀唔該~

哥哥然後馬上爬上廚房幫麻尾斟水！！

蚊子

哥哥被蚊子/蟲子咬額頭和后頸，很大粒，也很癢。 早上刷牙時。。。

哥哥： 爸比，你就好啦~
爸比： 我點好呀？
哥哥： d 蚊唔咬你，咬我~

好鍾意你

麻尾坐在沙發上，哥哥坐埋黎。。。

哥哥： 麻尾，我逼埋黎係因爲我好鍾意你~

麻尾應該不用擔心你大個沒有女朋友。 ：）

妹妹生日

是日妹妹生日晚上出街吃飯。 妹妹也知道自己今日生日，在行去餐廳途中。。。

麻尾： 妹妹，我地依家去食飯啦~
妹妹： （想哭） 唔係呀！系生日呀~
麻尾： 係呀今日係妹妹生日，我地依家去食生日飯，然后食蛋糕~

可能記得生日會有蛋糕和禮物，以爲改爲食飯，所以想喊。

對唔住

妹妹中午回來時被哥哥嘈醒了。 哥哥就趁機和妹妹在廳玩，遲遲都不回來房間。 終于麻尾忍不住咆哮他們上牀。 大家一起睡在大床，哥哥妹妹在麻尾兩旁，突然。。。

哥哥： 麻尾，對唔住！
麻尾： （表示驚訝） 對唔住d 咩呀？
哥哥： 對唔住遲左返黎。
妹妹： （妹妹又加把嘴） 麻尾，對唔住！
麻尾： （完全軟化同融化，而且覺得自己剛才咆哮很不應該。。。） 唔緊要，下次唔好啦~ （錫錫錫 ^o^）

我食唔食得架？

午睡訓醒哥哥拿了朱古力威化餅出來。。。

哥哥： 等我食下先。
妹妹： （期待的眼神。。。弱弱地問。。。） 我食唔食得架？
哥哥： （豪氣地） 好啦，我比你食一粒~

妹妹的語言能力近來有很大的進步！！

麻尾負責什麽

晚上閒談。。。

爸比： 爸比負責做咩架？
哥哥： 爸比負責返工。
爸比： 麻尾呢？
哥哥： 麻尾負責煮飯~ （麻尾滿意地笑~~）， 同埋閙人！ （麻尾滴汗中。。。 爸比大聲笑！！！）
爸比： 你呢？
哥哥： 我負責返學。
爸比： 妹妹呢？
哥哥： 她負責飲奶do~

分享

午飯后到包包姨姨那裏買麵包做明天上學的早餐。哥哥叫麻尾比錢他自己買。。。

哥哥： 唔該~ 一個卷蛋，一個提子包，一個肉鬆包。。。同埋汽水！~
麻尾： （站在鋪頭外） 唔買汽水呀，唔夠錢架！

當然，包包姨姨俾左一罐冰凍的汽水哥哥，並話不用再補錢。 哥哥得意洋洋地拿住汽水和包，興奮地討論到底回家馬上喝還是吃完飯先喝汽水~

回到街口，見到清潔婆婆在工作。哥哥馬上話。。。

哥哥： 不如我地比罐汽水清潔婆婆飲呀~
麻尾： 好呀！你拿過去呀！

哥哥開心地拿著汽水跑去清潔婆婆那裏，說了幾句就滿足地跑回來。

毫不猶豫地和更有需要的人分享自己喜愛的東西，這個4.5嵗的小朋友真的很善良。

好叻豬

晚上麻尾叠衫，妹妹幫忙將哥哥的襪子找出來並配對。 然後，哥哥自己將以配對好的襪子曡好，並把襪卷好！妹妹見狀。。。

妹妹： 嘩！好叻豬呀！ （竪起手指公）
哥哥： （微笑，享受被讚揚的一刻）

邏輯王

星期六在街上看到一隻帶有口罩的大狗獨自在街上走。。。

麻尾： 隻狗自己行，無主人睇住。。。
哥哥： 唔係，它有主人架。
麻尾： 你又知？
哥哥： 因爲它帶左口罩，它自己唔識帶口罩架嗎，係唔係~？

妹妹大進步

妹妹這個月各方面都有明顯的進步！~

連續幾天可以在大廁所屎屎！和哥哥的進度一樣，在大概兩歲的時候可以在大廁所便便。

説話能力也明顯地進步不少，説話清楚了很多。 一天早上，只有哥哥妹妹起床了。。。

妹妹： $^WYE%^%。 （講完就問哥哥） 你聼唔聽到我講什麽？
哥哥： 聽到呀！

可能現在妹妹開始能清楚地表達她的意願，哭閙的情況也減少了。

非常喜歡看書聼故事，而且能明白故事内容，並會回答關於内容的問題。

加油！！！

幸福的麻尾

近來每天下午哥哥都會過來和麻尾及妹妹一起午睡。 雖然有時因爲哥哥妹妹一起閒談唱歌，到3點多先開始睡，但下午可以左擁右抱哥哥妹妹，一起談天説地，東拉西扯，唱歌講故事，是所有媽媽，尤其是在職媽媽夢寐以求的事情。

漸漸地，麻尾也沒有因爲放棄部分工作而覺得可惜， 反而更珍惜和哥哥妹妹一起的時間。 雖然有時會很勞氣，有時會被你們打鬧的聲音弄得很煩躁，有時會因爲要緊急處理公務而感覺壓力，但當見到你們互相照顧，分享食物，自理能力改善，並開始會主動分擔家務。 麻尾真的覺得很幸福。

唔好笑

中午。。。

哥哥： 麻尾，昨天婆婆話我個枕頭好似一舊屎。。。 （很平淡地說。。。）
麻尾： 哈哈哈~ （真的認不住笑，而且以爲哥哥也會笑。。。）
哥哥： 唔好笑呀！我覺得婆婆好無禮貌！（非常認真嚴肅！！）
麻尾： （麻尾馬上收起笑容，雖然見到哥哥突然嚴肅的樣子還是很想笑。） 你覺得婆婆這樣講很無禮貌嗎？
哥哥： （認真地點頭）
麻尾： 那你有沒有話俾她知？
哥哥： 沒有。
麻尾： 下次你見到婆婆要話返比她知道她這樣講你覺得很無禮貌，叫她下次唔好咁。

愛妹妹的哥哥

妹妹唔舒服扭計，麻尾也病了，被妹妹的哭聲弄得非常煩躁。而且大聲地叫妹妹停止哭鬧⋯ 這時哥哥走過來⋯

哥哥：（輕聲地）麻尾，你唔好咁大聲講野。溫柔d啦。

頓時，麻尾覺得有點不好意思，需要哥哥提醒。

哥哥記得麻尾講過妹妹越哭就越咳，越咳就越辛苦，然後繼續哭⋯ 惡性循環。

這時，哥哥突然左拗右拗，像隻猴子一樣。妹妹果然看傻了眼，忘記哭鬧。麻尾和妹妹也都冷靜下來。

過後想起麻尾覺得自己很慚愧，反而哥哥有耐性並幽默地化解了大家的煩躁，再一次，麻尾覺得 very impressed!!

複雜的情感

下午麻尾陪哥哥午睡⋯

哥哥：麻尾，如果我發猛增，你唔好同我講野。你越講我會越猛增。
麻尾：咁我應該點做呀？
哥哥：你應該唔好理我，由得我發猛增就得架啦。

原來年紀那這麼小就能明白和表達那麼複雜的情感，而且會要求其他人如何處理。麻尾 is impressed!!

哥哥妹妹的對話

哥哥：我唔要你呀

妹妹：下？你唔要我？點解呀？（無辜的眼神⋯ 誠懇的聲音⋯）

哥哥：我唔鍾意你呀！

妹妹：下？你講比我聽！（溫柔的語氣⋯）

爸比麻尾在旁已經笑到肚痛～

最期待的畫面

晚上和妹妹沖涼降溫，她在沖涼盆玩水，麻尾正在落妝。。。

妹妹： 麻尾，我痾屎。。。
麻尾： 係唔係呀？ （麻尾心想應該唔係，因爲早上已經痾了。。。但見到水有氣泡） 你痾尿尿呀？

然後繼續落妝。。。 洗完臉后再望妹妹。。。

最期待的畫面出現了！！！！

麻尾： 爸比！！ 妹妹痾屎屎！~~~~~

可憐爸比要將整盆水拿起再倒入廁所。。。 對不起。。麻尾沒有相信妹妹講的話。。。唔會再有下次。

好心腸的哥哥

中午回家途中見到一名大陸乞兒，在等過馬路時。。。

哥哥： 麻尾，個到有個乞兒呀。
麻尾： （看了看是大陸乞兒就不想比錢。。。） 係呀！但係好似唔係真係乞兒。。。 （唔知道點解釋。。。-_-"）
哥哥： 他系街到訓。。。
麻尾： 係呀！ 無屋企返係唔係好慘呀？
哥哥： （打蛇隨棍上） 咁不如比d 錢他啦~

麻尾雖然唔想助長大陸乞兒，但又想保護同培養哥哥的同情心，就俾錢哥哥俾乞兒。

乞兒收到錢后俾左個手指公哥哥以示讚揚！ 哥哥表示好滿足，笑得好開心！ 還是不用太早幫他練成鐵石心腸。 ：）

冬菇喵喵

講起丘叔叔鋪頭的貓貓⋯

麻尾：你知唔知道隻貓貓係咩顏色？
哥哥：（一臉認真，但其實根本沒有見過⋯）我知道啊，係冬菇色。

哥哥的意思應該係黑白灰色，但冬菇色的確比較貼切。

好man的哥哥

晚飯時⋯

哥哥：爸比，你今晚同我訓呀，唔好訓地下啦！
爸比：點解呀？
哥哥：因為我試過訓一晚地下，好唔舒服架！你都係上嚟同我一齊訓啦！

爸比當時的心應該很溫暖。：）

***********************************
晚飯後麻尾在洗碗，爸比打算和哥哥出去買noodle。

爸比：我哋兩個出去啊！
麻尾：你帶佢哋兩個出去啊～?
爸比：（安靜⋯）
哥哥：（好man地⋯）我哋兩個幫你睇住doo doo！！

最後爸比帶晒兩個小朋友出去，麻尾可以安心洗碗。

真係有陳瑜？

高班適應日的早上哥哥如常賴床⋯

麻尾：今日會見到班新同學，有陳瑜呀！

哥哥：（馬上很精神和興奮）真係有陳瑜？

唔知陳瑜同哥哥會唔會做好朋友呢？

妹妹第一次

晚上麻尾在煮晚飯。。。

妹妹： 麻尾，我痾屎屎。。。

麻尾馬上把妹妹送到大廁所，但其實屎屎已經在片片。不要緊啦，起碼開始會講。 ：）

晚飯后，哥哥痾完屎屎。 然後妹妹又話痾。 這次爸比在旁打氣，本以爲不會成功。 但聽到爸比興奮地鼓勵並大叫。。。

爸比： 係啦！出黎啦！hm 呀！ hm 呀！

妹妹昨晚成功地第一次通知大家要便便，並成功在大廁所完成！成功后，麻尾獎勵了一盒提子干比妹妹！立此存照！

生動的形容

晚上早吃完晚飯，一家人到 Pizza Express 吃甜品。 回家路上。。。

哥哥： 麻尾我返去要沖涼。
麻尾： 你今早游完水沖過涼啦wor~
哥哥： 我覺得個身好黐粒粒， 唔信你摸下我格肋底。 （舉起右手。。。 -_-"） 好似有口水係裏面呀！！ 你摸下~~~

承受後果

晚上在床上，哥哥拿了麻尾的電話玩。。。

麻尾： 你唔可以自己拿麻尾個電話wor
哥哥： 你點解放個電話係到呀？！ 你放個電話係到就要承受俾細佬仔搞既後果！！ （口若懸河地發表偉倫。。。）
麻尾： （被技術性擊倒。。。）

講呢D

中午回家哥哥好頑皮，弄得麻尾很勞氣。

麻尾： （黑面） 快點除衫沖涼！！
哥哥： （突然變得好溫柔） 麻尾，母親節快樂！ （母親節其實已經過左好耐。。。）
麻尾： （忍唔住甜笑） 多謝你！ （雖然仍然好惱，但又要有禮貌多謝返哥哥。。。）
哥哥： （勝利的笑容） 我一講呢d 野你就笑返~ 哈哈哈哈~

-_-"

麻尾痾屎屎

妹妹： 麻尾痾屎屎。。。

講完后，見到妹妹開始痾屎屎。 雖然係痾在片片裏，但已經開始意識到便便要同麻尾講。 好大進步！！

信任，自由玩

昨天中午快要午睡時。。。

哥哥： 麻尾，我唔想訓覺呀。。。
麻尾： 唔訓你會做什麽？
哥哥： 自己玩。
麻尾： 如果你可以安靜地玩，唔吵醒妹妹，就可以唔訓覺。 我可以信任你嗎？
哥哥： 可以！

麻尾然後陪妹妹訓，哥哥真的沒有發出太大的聲響。 只是偶爾會聽到東西跌落地下的聲音。 三小時后。。。 大廳一切基本正常，見到本來在鞋櫃裏很重的文具盒在凳子上。

麻尾： 你頭先做左d 咩呀？
哥哥： 我拿左個文具盒出黎。。。你聼唔聼到"磅" 一聲？ 個盒太重跌左落地下。 ：） 跟住我用d 雙面膠紙痴住個釣魚竿。 ：） 然後我自己砌埋個小砌圖。 ：） 又睇左三國圖書。 ：） 重自己去廚房斟水飲。 ：） （很滿意的樣子）
麻尾： 開唔開心？
哥哥： 好開心呀！

麻尾其實都很開心哥哥可以履行他的承諾，安靜地自己玩。 哥哥真的長大了。

打和， 繼續

今日麻尾打平了哥哥同妹妹餵人奶的時間。

當年哥哥最後一天吃人奶是 2014 年 8 月 28 日，當日麻尾出差歐洲。 不知道爲什麽好記得這個日子。 一年之後的同一日，妹妹就出生了。 ：）

麻尾會繼續努力！ 希望妹妹會自然離乳。

半職媽媽

開始了半職媽媽的生活差不多一個半月，一切比想象中來得自然。 最開心的是看到哥哥和妹妹的感情突飛猛進，每天哥哥臨入校門前都會和妹妹來一個擁抱。早上見面的第一個反應是微笑和揮手。 哥哥的情緒也比之前平穩。 嫲嫲和婆婆都明顯地輕鬆了不少， 而麻尾的廚藝更是進步了很多。 原來每天能夠為家人親手準備晚飯，感覺好幸福。

雖然是做多了家務，但反而沒有以前返全日那麽累。 人的思想壓力減少了，情緒和脾氣也變得較平和。 平靜和溫暖的家庭氣氛對所有成員都有正面的影響。

叻

妹妹近來説話多左，也開始講完整的句子。

晚餐后。。。

妹妹： （爬上大人凳子，指住桌上的粟米） 哥哥食完粟米~ （竪起拇指，向著哥哥） 叻!

***************************************************

和哥哥爭書本。。。

妹妹： 哥哥唔好搶我本書書呀！

一定係麻尾

爸比： 我今日係街到見到個女仔好靚架~ （自我陶醉中）
麻尾： 邊個黎架？
哥哥： （不加思索） 一定係麻尾黎架啦！
爸比： （滴汗。。。）

^o^ 簡單真誠的一句令到麻尾甜都漏~~

幫助別人

準備離開公共圖書館的時候，出口旁的圖書管理員正在把圖書放進還書機，並不小心把一部分的圖書弄跌了。 哥哥本來打算離開，見狀馬上走囘管理員身旁幫她拾起圖書。

沒有人叫哥哥幫忙，麻尾慚愧地沒有想過要幫忙。但哥哥主動幫助他人的行爲，真的令麻尾號感動。 ：）

開心哥哥

跆拳道教練問爸比。。。

教練： 你地平時係唔係成日讚他？
爸比： 。。。 都係既。
教練： 他成日都笑。 就算俾我罰企，他都笑笑口。 然後我叫他嚴肅點，他嚴肅一陣之後又忍唔住笑。。。

^__^ 希望一直都是這樣~ 輕鬆地面對一切事情。