鼻塞

麻味陪Gee 睡的時候有小小鼻塞。。。

麻味： 我有小小鼻塞呀，要轉過去訓，一陣通返轉返過來~

麻味就轉身，背住Gee。 安靜幾秒后。。。

Gee： 洗唔洗"sun" 呀？
麻味： 唔洗。
Gee： 要唔要撩呀？
麻味： 唔洗。

發噩夢

睡到半夜，突然Gee 叫。。。

Gee： 麻味~ 麻味~ 哇~~~~

比平時叫得更高聲和淒慘，然後喊左出來。。。 爸比馬上過去安撫。 一切安好不久，Gee 哭著走過來， 麻味抱Gee上大床攬住問什麽事。

Gee： 有烏蠅呀~ 哇~~~~

可能早上經過櫥窗見過烏蠅，晚上就發惡夢。 麻味解釋烏蠅好細粒，並不可怕。 第二天早上再問Gee 是否記得昨晚發夢。

Gee： 琴晚發夢見到烏蠅呀，我唔小心倒瀉左d 糖出來，就有烏蠅啦。

^__^ 點解你又知道這是發夢既？？雖然喊曬好可憐，但麻味覺得好可愛呀！！！

聞下你

在酒樓吃飯時。。。Gee 突然哄過來。。。

Gee： 等我聞下你臭唔臭先！
麻味： 咁臭唔臭呀？
Gee： （邊點頭邊講） 臭呀臭呀！
麻味： （無奈。。。）

你汙糟呀！

那兩晚Gee 突然要求要和爸比訓。。。

麻味： Gee今晚同唔同麻味訓？
Gee： 唔同！
麻味： （扮喊） 點解呀？
Gee： （好認真地說） 因爲你汙糟呀！我唔同你訓，你好汙糟。
麻味： （你點知我今日未沖涼架。。。。。。 -_-"）

鬧鐘響先沖

晚上Gee 在廳自己玩，麻味在房間。。。

麻味： （學Gee早上的對話） 朗言沖奶奶比麻味飲！要大奶奶，依家沖！
Gee： 唔沖！
麻味： 沖哪~ 朗言沖奶奶比麻味飲！依家沖！
Gee： （鍊起把聲） 鬧鐘響先沖！

Gee 學麻味用同一個語氣和用詞打發我走~~~！！！

陷阱

晚上回家后，爸比正在哄Gee起身沖涼，Gee 賴在床上食手指。。。

爸比： （伸出兩隻食指） 好似細個咁拉你起身好無？
Gee： （露出笑容） 好~ （雙手抓住爸比食指拉起直坐立姿勢）
爸比： 再拉~
Gee： （再次坐起來）
爸比： 拉埋今次就沖涼好唔好？應承？
Gee： 唔好！

爸比和麻味馬上爆笑，也驚嘆Gee 竟然能看穿爸比的陷阱。