妹妹駁嘴記

麻尾一邊行一邊提醒妹妹要自己清楚自己的行程，不要經常倚賴家人。

妹妹：你唔可以講人壞話。
麻尾：呢個唔係壞話，係真話。
妹妹：呢個係真嘅壞話。
麻尾：但係我講嘅全部都係真，只係內容反映出你唔好嘅行為。
妹妹：咁我有冇講你壞話？我有冇話你成日鬧人？
麻尾：（被KO）你又講得啱，你又真係冇話我成日鬧人。

最後大家同意要互相改善壞習慣，如果妹妹改好壞習慣，麻尾就唔會鬧人，而妹妹又唔會俾麻尾鬧。皆大歡喜。

邏輯思維

講開以前大陸只可以生一個小朋友，再生多一個都唔可以。妹妹插嘴⋯

妹妹：咁如果一次生兩個點算？

呀⋯ 原來那麼多年我都真係沒有想過這個情況⋯⋯

妹妹語錄

妹妹有天穿了一條漂亮的裙子⋯ 麻尾覺得好靚。

麻尾：你真係好似一個小公主。如果你係公主我會係邊個呢？（期待地）
妹妹：（冷靜地）你會係一個大媽。
麻尾：-_______________-

急才妹妹

哥哥在扮公仔講野⋯⋯ 妹妹話d 公仔係假既。哥哥扮聲⋯⋯

妹妹：d 公仔係假架，係你扮聲咋嘛～
哥哥： （用公仔聲）梗係唔係啦，我係Toby，我係真㗎。
妹妹：咁好呀，你同Toby同時間講嘢呀～ 😏

哥哥 vs 妹妹
0 ：1

大強街

在北角發現以下街名……

麻尾：大強街既英文街名係 Power Street，如果係小強街會就咩名呢？
哥哥：（不假思索）叫Powerless Street！

🤣🤣🤣 哥哥就是有這方面的才華～

愛極麻尾的妹妹

妹妹就快6歲生日⋯ ⋯

麻尾：妹妹，我準備左生日禮物俾你～
妹妹：（興奮地大叫）好野～ 係乜嘢呀？
麻尾：就係可以連續同麻尾訓一個禮拜～～
妹妹：（興奮地大叫及跳起）好野好野～～
麻尾：😅

麻尾本來打算整蠱妹妹，點知被妹妹真誠的反應感動了。原來你真的很愛我，不是嘴裏開玩笑的。就算麻尾有時失控對你大吼，幾分鐘後你還是黏著麻尾話，最鍾意麻尾。

希望你繼續能保持最純粹的心面對所有野。

其實現在每晚最想和妹妹訓的是麻尾⋯⋯ 😅😅

免費按摩卷💆🏻‍♀️

哥哥忽然向麻尾提出⋯⋯

哥哥：不如你用之前儲落既免費按摩卷呀？
麻尾：好呀好呀！

然後哥哥很耐心地未麻尾提供了一個全身按摩，包括按手指和耳朵。真的很舒服。

按完後，哥哥露出天真甜蜜的笑容⋯ ⋯

哥哥：你按摩完，咁我可唔可以睇一陣Netflix 呀～ 😁😁

麻尾當然是什麼都答應。😅

麻尾被教訓

沖完涼同妹妹吹頭⋯⋯

妹妹：（淡淡然地說）你唔好鬧婆子，佢係你阿媽。
麻尾：（滴汗）咁我係你阿媽，你以後都唔可以鬧我～
妹妹：（沒有跡象停止教訓）你唔好鬧你個仔，你今日鬧佢，嚇死我呀⋯
麻尾：（無言以對⋯⋯）
妹妹：（還沒有打算放過麻尾）同埋你都唔可以鬧你個女，waakakaaa～

哥哥語錄

麻尾和哥哥一起閱讀讀書報告的圖書，裡面一直提到公山羊，但哥哥好像不太明白其意思。

麻尾：你知唔知公山羊點解？
哥哥：（想了一下，嘗試地回答⋯）工作既山羊？
麻尾：😓工作唔係呢個公⋯⋯
哥哥：（戰戰兢兢地再嘗試）係公公個公⋯⋯
麻尾：（想解釋但又不想直接說答案，嘗試引導）母山羊的相反係乜嘢？
哥哥：（立即馬上回答）有山羊！
麻尾：🤯🤯🤯🤯🤯🤯🤯

*********************************************
一家人在嫲嫲家晚飯，哥哥看到露台上晾著爺爺的一大排內褲，淡淡地說⋯

哥哥：爺爺d底褲重大過我件底衫，嘩卡卡卡卡～～～～

口面語

麻尾：打尖的書面語是什麼？
哥哥：插隊。
妹妹：書面語的相反係口面語。

如何運用金錢

妹妹學校教學影片裡，需要小朋友想想如何運用自己儲蓄的金錢。

麻尾：你會點用你儲d 錢呀？
哥哥：（插嘴）她想請人食飯～～
妹妹：（想了好一會兒）我想儲錢大個同麻尾一齊開雪糕店。

以前提過麻尾小時候希望長大後可以在雪糕店裡賣雪糕，妹妹就記住了。麻尾好感動呢！🥰🥰

邏輯妹妹

晚上哥哥和妹妹正在爭拗麻尾應該先和誰睡覺⋯⋯

哥哥：規則話琴晚你同麻尾瞓左，今晚就到陪我瞓先。
妹妹：個規則係邊個定㗎？
哥哥：規則就係規則囉。
妹妹：應該係由陪瞓覺嗰個定㗎。

又好似好有道理～

信心小子

哥哥作文要寫一次流淚的經過⋯ ⋯

麻尾：你每天放學後，風雨不改的練習，終於來到比賽前的一刻，你的心情會是……
哥哥：（立即回答）好有信心！

媽咪本以為你會說心情緊張，但答案意想不到。你真的是一個獨特的信心小子！

蠱惑的妹妹

紫菜水

晚飯後，妹妹突然拿了杯水俾爸比，裡面有些黑色沈澱物⋯

爸比：裡面黑色d 係咩黎架？
妹妹：（認真地）係紫菜水。
爸比：多謝。
麻尾：（表示嫌棄）yeeyaa
爸比：（自豪地，冧豬地）她俾咩我都飲～

飲左一大啖後，發現原來是黑胡椒水⋯⋯ 🤣🤣🤣

妹妹語錄

妹妹：你睇下我，I am looking。

看看妹妹，原來她在地上打滾。她想講 I am 碌-ing。

麻尾失寵了

妹妹5歲生日後漸漸沒有要求和麻尾訓。昨晚麻尾有點掛住陪訓，就將自己的枕頭放在妹妹的床，滿心以為她會很高興麻尾主動來陪她睡覺⋯⋯

妹妹：（見到麻尾的枕頭，驚訝地問）點解你個枕頭係到既？我都無話陪你訓。

麻尾以為自己還是很重要，原來不知不覺間妹妹已經開始獨立，不用再依戀麻尾了。雖然是好事，但麻尾還是失落了一陣子。

懂得道歉

哥哥昨晚發了個夢，麻尾在裡面買了很多nerf gun 送給其他人，但一點也沒有留給他。哥哥超級生氣，整個早上都在發麻尾脾氣。

麻尾解釋夢境不是真的，不應該把生氣帶到現實，哥哥瞬間明白了。

過了一會，麻尾收到小字條。：）懂得道歉 👍🏻

要多一個BB嗎？

之前麻尾問過妹妹要多一個BB好不好，妹妹話如果有新BB 麻尾就唔可以同她訓，所以都係唔好啦。

麻尾這次又無聊問妹妹⋯⋯

麻尾：我生多一個bb 好唔好呀？
妹妹：（眼仔碌碌，但認真地問）你照唔照顧到三個小朋友呀？
麻尾：唔得🙅🏻‍♀️
妹妹：咁我同哥哥再加埋BB就三個小朋友，所以都係唔好要啦。

又好似好有道理。

好好控制情緒

哥哥之前自己寫了一片文章關於Sportsmanship，全文自己寫，只是問麻尾幾個字的串法。哥哥也很滿意自己的傑作。

一天，麻尾教妹妹寫自己名字的時候情緒有點失控，大罵妹妹⋯ ⋯

過後，哥哥走過來，靜靜的把他的文章拿過來，輕輕地說⋯

哥哥：（指著文中以下一句）麻尾，你知唔知道你頭先有什麼要改善。

麻甩的妹妹

麻尾幫妹妹沖涼時⋯⋯

麻尾：（幫妹妹清潔鼻孔時）點解你無鼻屎既？
妹妹：（理所當然地）因為我訓覺個陣撩曬出黎～
麻尾：原來係咁。撩出黎既鼻屎放左係邊？（以為會彈走或抹在牆上）
妹妹：（奸笑再加上動作）我擺落個口到食左～ waaahahaha～

😑😑😑😑😑😑😑