好好控制情緒

哥哥之前自己寫了一片文章關於Sportsmanship，全文自己寫，只是問麻尾幾個字的串法。哥哥也很滿意自己的傑作。

一天，麻尾教妹妹寫自己名字的時候情緒有點失控，大罵妹妹⋯ ⋯

過後，哥哥走過來，靜靜的把他的文章拿過來，輕輕地說⋯

哥哥：（指著文中以下一句）麻尾，你知唔知道你頭先有什麼要改善。

麻甩的妹妹

麻尾幫妹妹沖涼時⋯⋯

麻尾：（幫妹妹清潔鼻孔時）點解你無鼻屎既？
妹妹：（理所當然地）因為我訓覺個陣撩曬出黎～
麻尾：原來係咁。撩出黎既鼻屎放左係邊？（以為會彈走或抹在牆上）
妹妹：（奸笑再加上動作）我擺落個口到食左～ waaahahaha～

😑😑😑😑😑😑😑

7 歲的哥哥

終於有得去打網球⋯ 走到電梯口⋯

麻尾： 要唔要我陪你上去？
哥哥：唔洗。但可唔可以幫我按lift？

防疫意識真強。看著越來越自立的哥哥，麻尾覺得很安慰。

*********************************************
妹妹出門時發脾氣，不肯穿鞋子⋯ 但快要遲到了。麻尾都就快爆炸了⋯

哥哥：（站在門口冷冷的說）我送一隻腳既豬俾你啦。
妹妹：（張大眼睛，在思考⋯）
哥哥：珍寶珠呀！

妹妹馬上笑了，興高采烈地拿著珍寶珠去穿鞋。

哥哥簡直是港女殺手！

**********************************************
在鞋店幫妹妹選球鞋，爸比選了和現在穿的差不多款式。

爸比：這對好嗎？
妹妹：（沒有反應⋯⋯）
哥哥：（一直在旁搗蛋的哥哥突然指著一對小馬寶莉的鞋）呢對好唔好？
妹妹：（看著閃閃亮亮，而且旁邊有一對翅膀的球鞋。雙眼發光滿意地說）好呀！

哥哥是最了解港女的人。

關心家人的哥哥

新型冠狀病毒停課在家的一個中午⋯⋯⋯

麻尾：哥哥，今日中午麻尾住午餐，還是叫爸比買回來？
哥哥：（理所當然地）你在家煮吧，我唔想爸比係外面咁耐，有機會會感染病毒。

點解可以那麼為他人著想。

成就解鎖

妹妹在4歲半的時候終於可以自己午睡和晚上不麻尾陪睡了！！

雖然開心了一小陣子，但很快就想和妹妹一起訓覺⋯⋯ 看來是麻尾唔習慣多d⋯⋯ 😅😅

兄妹對話

哥哥和妹妹的對話⋯

爸比：唔該執返好地下d積木。
哥哥：Do 都有份玩架～
妹妹：我無～
哥哥：你有～
妹妹：無
哥哥：有
妹妹：無
哥哥：有
無限重複⋯⋯⋯

哥哥：（想出了小點子）無即係有！
妹妹：（停頓了兩秒⋯ 戰戰兢兢地說）有⋯
哥哥：（奸計得逞）哈哈哈，有姐係有！😏

嘩卡卡卡卡～ 然後，只聽到麻尾的大笑聲～ 🤣🤣🤣

超級小暖男

媽媽在哥哥考試後就病倒了。哥哥放學後很乖地，吃茶點（吃得很乾淨），安靜地做功課，洗澡（被麻尾發現忘記洗頭就回去再洗）。

做好後⋯
哥哥：（超級溫柔和有禮貌）麻尾，如果你覺得精神d，可唔可以幫我拿櫃上面的螺絲批？
麻尾：（睡得模糊）好呀。
哥哥：（1秒後）都係唔好啦。你休息先，唔好夾硬黎。我等爸比返黎先。

多謝哥哥為麻尾著想，雖然自己很想拿螺絲批整玩具，但看到麻尾不舒服，就自覺地讓麻尾先休息。

大量的哥哥

妹妹晚上sun 鼻涕時把紙巾塞進了哥哥新買的潤唇膏裡面。哥哥早上起來發現了，走來向麻尾投訴。麻尾答應妹妹起床時會訓示她。

中午哥哥回來時⋯⋯
麻尾：今早爸比已經話左妹妹啦。
哥哥：（一臉茫然）話她什麼呀？
麻尾：⋯⋯ 你唔記得嗎？她曳呀！
哥哥：（嘗試記起⋯ 但失敗）曳咩呀？

嗯，原來哥哥已經沒有把這件事放在心上了。：）

能言善辯的妹妹

由嫲嫲家走回來，妹妹要求抱抱。麻尾答應走到包包姨姨的店先抱，妹妹同意。到包包姨姨店舖是，妹妹掛住和麻尾傾計，忘記了要抱這事。

麻尾心裡竊竊暗喜，繼續向前走。走到家門街口時⋯⋯

妹妹：（平靜地說）麻尾，你唔係話抱架咩？
麻尾：（尷尬地笑，以為可以胡混過去）⋯⋯ 😅
妹妹：（平靜又帶小小教訓的語氣）如果你唔做，下次我應承左你既野都唔做架啦。😏

麻尾被教訓了⋯ 😬

*********************************************
鬥嘴

哥哥和妹妹鬥嘴⋯

妹妹：你唔可以咁大力打人架！
哥哥：（狡辯）我控制唔到架，係咁大力架啦。🤷🏻‍♂️
妹妹：（義正詞嚴）我都控制到，點解你控制唔到呢！！

隨著兩兄妹逐漸長大，鬥嘴越見精彩。

甜蜜的感覺

平時晚上一般都是麻尾給哥哥妹妹講故事，有時看著書講，有時他們給題目，然後即使創作。

今晚，哥哥照常要求麻尾講故事，但麻尾想撒一下嬌⋯⋯

哥哥：麻尾，講故事。
麻尾：不如今次你講返俾我聽呀～
哥哥：唔好啦～
麻尾：我講左7年故事俾你聽啦wor，差唔多每晚都講，你講返一次俾我聽啦～～～
哥哥：（竟然爽快答應）好啦，你俾個topic我。
麻尾：嗯⋯ 我想要小豬和小貓。

然後哥哥就即時講了一個睡前小故事給麻尾聽。原來躺在床上，有人講故事給自己聽是一件很甜蜜的事。😘

多謝哥哥。

搬去大埔

和妹妹散步⋯⋯

麻尾：如果我地養隻貓，你可唔可以掉曬d 玩具，俾位隻貓訓？
妹妹：（馬上答應）可以。
麻尾：好啦，如果搬去加拿大住就養一隻貓啦～
妹妹：（很認真）又或者搬去大埔住都可以養。
麻尾：⋯⋯ 點解大埔可以養呢？
妹妹：因為大埔大d 嗎～

之前講笑話搬去大埔就多d 空間，原來妹妹有聽住。

比Youtube 還要好的東西

哥哥無啦啦走過來⋯

哥哥：麻尾"攬字"～

*攬住*

哥哥：hm～ 攬住真係好呀～ 攬住重開心過看Youtube 呀！

多謝你。

都係唔好啦～

有天在討論要不要多一個弟弟或妹妹⋯

妹妹：（興奮地說）我想要一個妹妹。
麻尾：如果要多個bb 你就要幫手餵奶同換片，得唔得呀？
妹妹：（很有信心）得！
麻尾：但係bb 係需要麻尾照顧，所以晚上你要自己訓，因為麻尾要照顧bb。o 唔 ok？
妹妹：（沈默幾秒⋯ 輕聲地說）都.係.唔.好.啦⋯⋯

過幾天再問同，答案還是一樣，話還是喜歡和麻尾訓。

性格大不同

每次經過夾公仔舖頭，哥哥都會要求進去玩。

麻尾：咁如果夾到公仔係唔係掉左Toby？
哥哥：（馬上不捨得）唔係。
麻尾：咁掉左鷹鷹？
哥哥：唔得⋯⋯

當麻尾以為得逞時，妹妹插嘴⋯

妹妹：我掉左鴨鴨，我去夾公仔。
麻尾：😑😑😑

哥哥(6y8m)比較重情意，妹妹(4y0m)較重眼前利益。

反口的妹妹

之前⋯

妹妹：我4歲個陣就自己訓，唔洗麻尾陪。

4歲生日當晚臨訓時， 妹妹樣子很尷尬地走過來⋯⋯

妹妹：（嗲聲嗲氣，有點不好意思，慢慢地說）麻尾，我唔捨得你呀～～

麻尾裝作聽不到。妹妹繼續重複⋯⋯ 😅😅

睡覺前大發現

妹妹睡覺時喜歡把腳伸入麻尾的衣服內取暖，有時還會伸進褲子裡。

妹妹的腳從麻尾的褲子伸進屁股，幾秒後⋯⋯

妹妹：（輕聲地說出她的驚訝大發現⋯⋯）麻尾，我覺得你個pat pat 好似有d 紙。
麻尾：（極力忍笑）係，因為係麻尾d片片。

然後兩人大笑～ 哈哈哈哈哈～ 😂

超感動

今天爸比不太舒服，晚上很早就休息了。哥哥在吃水果時，突然走過來⋯⋯

哥哥：（輕聲地說）麻尾，爸比唔舒服，我聽日搭校車啦。

麻尾那刻真的感動得想喊。

充滿愛的妹妹

早上上學妹妹玩玩具⋯ 麻尾開始有點不耐煩而且語氣可比較重！

妹妹馬上自己去穿鞋子，她看到麻尾時溫柔地說⋯⋯

妹妹：麻尾，你隻腳之前整親個到好返未呀？

多謝妹妹不嫌棄麻尾脾氣差，還是關愛著麻尾。

第三次英文測驗

經過8個月的小學生活，哥哥在第三次的英文測驗終於合格。雖然麻尾盡量控制自己不提分數的重要，但結果時還是不禁地覺得興奮。

這次測驗其實是第一次有認真地準備。哥哥也很配合。老師在測驗卷上蓋上 "Improved a lot. Keep it up!".

在爸比麻尾眼中，哥哥的進步真是遠遠超過我們預期。由悠閒的幼稚園到坐定定，要測驗默書的小學，確實是很大的轉變。

希望哥哥可以繼續享受小學的生活。爸比麻尾會繼續陪你成長。

窩心的哥哥

爸比突然鼻敏感發作，連打十幾個噴嚏🤧⋯⋯

麻尾：爸比唔舒服，你明天可唔可以早上搭校車？等他可以休息一下。
哥哥：（不假思索，爽快答應）好呀！

哥哥雖然很喜歡爸比每天送回校，一齊吃早餐。但知道爸比不舒服，就馬上同意自己搭校車。哥哥真的很愛惜爸比。