麻尾學校

收到麻尾學校幼兒園的面試邀請。。。

麻尾： 妹妹，你遲d去麻尾學校同老師玩下好唔好呀？
妹妹： 好！（想一陣。。。） 我已經有哥哥學校啦，唔洗去麻尾學校~

-__-"

星星

在黃金海岸酒店早上醒來，打開窗簾，看到太陽正照在海面上，有閃閃的反射。

哥哥： 爸比麻尾，你地睇下~ 個海好似有好多星星咁呀！~

^__^ 形容得非常貼切準確。

胎内記憶

麻尾： 你系麻尾個肚到點出黎架？
妹妹： 捐出黎咯！
麻尾： 你出來個陣有沒有喊呀~？
妹妹： 無呀~
麻尾： 你出黎明個陣見唔見到爸比？
妹妹： 見到~
麻尾： 你出黎之後訓系邊到呀？
妹妹： （指住麻尾的心口） 依到！

以上對話在不同的時間問了幾次，每次的答案都一樣呀！！
再次，麻尾相信這是胎内記憶~ ^o^

妹妹冧功

臨睡時。。。

妹妹： 麻尾，你嬲唔嬲呀？（重鼻音~）
麻尾： （扮野。。。扁嘴） 嬲呀~
妹妹： （很鎮定，深情地望住麻尾） 咁我錫返你呀！

然後， 錫錫麻尾兩邊臉再加一個熊抱~！！

妹妹： （再問） 麻尾，你嬲唔嬲呀？（重鼻音~）

*********************************************************

換片無聊時。。。

妹妹站在麻尾正前方，突然雙手鍊住麻尾個嘴唇，將佢按扁，再嘟起個嘴很快地鍚落黎。。。

麻尾冧到有戀愛的感覺~ ^o^

*********************************************************

臨睡時。。。

妹妹： 麻尾，我好開心呀~
麻尾： 點解你咁開心呀？
妹妹： 因爲麻尾唔嬲呀~

^___^ 三句對話就KO麻尾。。。

*********************************************************

睡得模糊時。。。

妹妹會靜靜地碌過黎麻尾旁邊，然後悄悄地錫麻尾幾啖再訓返~

麻尾表示很甜蜜。

*********************************************************

閒談。。。

麻尾： 你系嫲嫲到訓覺做咩喊呀？
妹妹： 因爲我好傷心囖！
麻尾： 點解咁傷心呀？
妹妹： 因爲我好掛住麻尾呀嘛！

2017年12月16日 - 星期六

早上和爸比和妹妹出去，大概中午時分回家。 就快到大堂時，看著爸比的背影已經感受到他的緊張。。。 還是麻尾自己緊張呢。。。？

打開信箱發現。。。 兩封信！！！

一封比哥哥，一封比妹妹！

爸比吸一口氣，先拆妹妹的 （其實本來應該下星期二才會收到妹妹的信）。。。 取錄！~ 上午班！~ YEAH！！

入電梯后開始拆哥哥的。。。 爸比一邊拆信，一邊喃喃自語， "咁薄，都係唔得架啦。。。"

這時候麻尾看到信封裏面有幾張紙，然後爸比把信拿出來。。。 取錄！~

同一天收到兩個好消息。是哥哥最好的生日禮物！！

小一信。。。

今日應該會收到 DBS 的信知道收唔收哥哥讀小一。。。

昨天系信箱收到一張郵局通知話有郵件系郵局。。。。 於是麻尾去拿~~ 點知郵差話要今日下午先有得拿~~~

麻尾以為是 DBS 信~~ 因爲可能早一日收到~~

然後麻尾同爸比 講，話可能是學校寄來的信。。。

但爸比非常肯定話不是。。。 

因爲是他滙豐卡的惠康 coupon。。。。

V_v..............!!!!!!

承受後果

晚飯后本來興高采烈地打算出去食糖水，哥哥在走廊和電梯裏面大叫及大聲唱歌。 在大廈大堂被麻尾叫回家，取消吃糖水。。。 哥哥馬上眼氾淚光，回到家馬上爆喊，但仍然極力爭取理論。。。

哥哥： 我唔知道真係要上返黎呀。。。 （眼眶裏大大的淚珠在滾動。。。）
麻尾： 你唔知道系電梯裏面唔可以大叫嗎？ 麻尾之前是不是講過好多次！！
哥哥： 我想同爸比講。。。
麻尾： -_-"

爸比： 你要做曳野，就要承受後果。
哥哥： 你地d 後果次次都唔同，我都唔知道點。
爸比： （你又好似講得 arm。。。） 咁知道後果系乜野又會點？
哥哥： （喊住講。。。） 如果我知道後果系乜野，我先知道我承唔承受到架嗎！
爸比： 承受到就可以曳？
哥哥: （輕聲回答。。。） 系。

然後大家同意以後先説明後果，讓哥哥知道是否能夠承受。。。 V_v 但能夠在那麽苦惱傷心的情況下還可以清晰地說出自己的感受，爸比麻尾都表示讚賞~ ：D

哥哥金句

麻尾一打二，煮完午餐再晾衫，非常疲倦時⋯

哥哥：麻尾你知唔知道我有幾鍾意你呀？
麻尾：唔知呀～
哥哥：係由地球中心到宇宙既距離咁多～

嘩～ 點解可以咁口甜～ ^o^

妹妹的對話

妹妹痾完屎屎洗patpat時，有些殘留的東西在patpat 上。。。

麻尾： 呢d咩黎架~？
妹妹： 呢d咩黎架~？
麻尾： 你問下你個patpat 呢d咩黎既~？
妹妹： 我個patpat呢d咩黎架~？

*********************************************************

妹妹首先完成晚飯， 在廳内玩耍。。。

哥哥： （正在吃飯） 倩怡，你爬上沙發~
妹妹： （好認真的望住麻尾） 麻尾， 哥哥叫我爬沙發wor~ （打完小報告后就奸笑，然後爬上沙發）

*********************************************************

哥哥妹妹玩完滑板車后一齊用盆沖涼。 麻尾在廚房準備晚餐，他們倆獨自在裏面玩水。
抱妹妹出來后，她投訴。。。

妹妹： 哥哥噴我呀~
麻尾： 噴你邊到呀？
妹妹： 噴我脖頭。。。
麻尾： 用咩噴？ （以爲是用剪頭髮的噴水樽）
妹妹： 用沖涼機咯！！
麻尾： ^o^

*********************************************************

妹妹在大廁所痾屎屎，要看書。。。

妹妹： 我想要woody 書。

麻尾拿來 woody 書後。。。

妹妹： 唔係依本呀！系woody 書書呀！
麻尾： 呢本未系 woody 書書咯！
妹妹： （有點猛增） 唔係呀！系woody 書！！
麻尾： 係唔係巴斯光年書？
妹妹： 唔係。。。 。。。
麻尾： （靈機一觸） 係唔係貝兒書？~
妹妹： （終于笑了） 系呀！
麻尾： -_-"

**********************************************************

晚上爸比過來大床訓在妹妹的位置。。。

爸比： 比小小位我訓得唔得呀~？

妹妹本來在床尾，馬上爬過來訓在自己枕頭上。。。並合上雙眼。

妹妹： 無位呀~

爸比在枕頭另一邊嘗試訓落去。。。

爸比： 呢邊有小小位wor~

妹妹馬上轉身把空位霸佔，繼續扮訓覺。

妹妹： 呢邊都無位呀~

哥哥金句

晚上叔叔和 Bertha 來和哥哥玩。 叔叔給了一粒糖哥哥吃。 笑得太開心的時候， 糖由哥哥的口掉了出來。。。
叔叔： （整蠱哥哥） Or！~~ 你 lur 糖落地下~~ Or！~~~
哥哥： （鎮定地） 唔係呀！我唔係 lur 糖呀~ 我控制唔到粒糖，而粒糖又控制唔到自己，所以跌左落地下~


*********************************************************************
星期六早上的對話。。。
爸比： 你係唔係聼日藍色緊褲比我呀~？
麻尾： 聼日 10 點爸比要打波，鋪頭應該未開wor
哥哥： （冷靜地） 聼日鋪頭唔係未開，係唔開！聼日星期日呀嘛！


*********************************************************************
早上吃早餐準備上學。。。
麻尾： 食快d 啦~ 就快遲到啦~！
妹妹： 你慢慢食，唔洗急架~
爸比： 正常速度得啦~
哥哥： （發火） 你地一個叫我快d，一個叫我慢d，一個叫我正常速度，咁我聼邊個好呀？！

沒有鼻哥⋯

哥哥做功課時需要畫全家福。畫完之後麻尾發現大家都沒有鼻子。

麻尾：大家都唔鼻哥既？咁未無得撩鼻屎咯? 呵呵呵⋯⋯（以為自己懶得意⋯）

哥哥：（沒有好氣地解釋⋯⋯）無鼻哥點樣撩鼻屎呢？

麻尾：-__-''

妹妹愛哥哥

一家四口去超級市場，妹妹經過糖果架，突然停步，指著哥哥最喜歡的那種朱古力⋯

妹妹：比哥哥食朱古力。

之前哥哥因為病，麻尾不答應買朱古力。現在哥哥好返，妹妹卻是第一個記得哥哥可以吃朱古力。

臨走的時候，麻尾叫妹妹告訴哥哥，剛才妹妹叫麻尾買什麼比哥哥。妹妹拖著哥哥的手走到朱古力面前，看見哥哥展開又驚又喜又甜的笑容，麻尾真的溶化了。兩個互相擁抱多謝後，哥哥馬上說⋯

哥哥：好！等我買返d 糖比你先！

你依家已經好靚

和哥哥看完爸比打球後，麻尾去剪髮。

哥哥：你依家已經好靚啦！剪左頭髮就唔靚。

其實是不想麻尾離開，但tum 得麻尾好開心～：）

照顧麻尾

之前麻尾發燒，很累，又喉嚨痛。 麻尾躺在床上休息。。。

哥哥： 麻尾，你好返d 未呀？（溫柔地問）
麻尾： 你問完就馬上好返好多啦~
哥哥： 我想問你d 野呀。。。 你想唔想飲杯水呀？
麻尾： 好呀唔該~

哥哥然後馬上爬上廚房幫麻尾斟水！！

蚊子

哥哥被蚊子/蟲子咬額頭和后頸，很大粒，也很癢。 早上刷牙時。。。

哥哥： 爸比，你就好啦~
爸比： 我點好呀？
哥哥： d 蚊唔咬你，咬我~

好鍾意你

麻尾坐在沙發上，哥哥坐埋黎。。。

哥哥： 麻尾，我逼埋黎係因爲我好鍾意你~

麻尾應該不用擔心你大個沒有女朋友。 ：）

妹妹生日

是日妹妹生日晚上出街吃飯。 妹妹也知道自己今日生日，在行去餐廳途中。。。

麻尾： 妹妹，我地依家去食飯啦~
妹妹： （想哭） 唔係呀！系生日呀~
麻尾： 係呀今日係妹妹生日，我地依家去食生日飯，然后食蛋糕~

可能記得生日會有蛋糕和禮物，以爲改爲食飯，所以想喊。

對唔住

妹妹中午回來時被哥哥嘈醒了。 哥哥就趁機和妹妹在廳玩，遲遲都不回來房間。 終于麻尾忍不住咆哮他們上牀。 大家一起睡在大床，哥哥妹妹在麻尾兩旁，突然。。。

哥哥： 麻尾，對唔住！
麻尾： （表示驚訝） 對唔住d 咩呀？
哥哥： 對唔住遲左返黎。
妹妹： （妹妹又加把嘴） 麻尾，對唔住！
麻尾： （完全軟化同融化，而且覺得自己剛才咆哮很不應該。。。） 唔緊要，下次唔好啦~ （錫錫錫 ^o^）

我食唔食得架？

午睡訓醒哥哥拿了朱古力威化餅出來。。。

哥哥： 等我食下先。
妹妹： （期待的眼神。。。弱弱地問。。。） 我食唔食得架？
哥哥： （豪氣地） 好啦，我比你食一粒~

妹妹的語言能力近來有很大的進步！！

麻尾負責什麽

晚上閒談。。。

爸比： 爸比負責做咩架？
哥哥： 爸比負責返工。
爸比： 麻尾呢？
哥哥： 麻尾負責煮飯~ （麻尾滿意地笑~~）， 同埋閙人！ （麻尾滴汗中。。。 爸比大聲笑！！！）
爸比： 你呢？
哥哥： 我負責返學。
爸比： 妹妹呢？
哥哥： 她負責飲奶do~

分享

午飯后到包包姨姨那裏買麵包做明天上學的早餐。哥哥叫麻尾比錢他自己買。。。

哥哥： 唔該~ 一個卷蛋，一個提子包，一個肉鬆包。。。同埋汽水！~
麻尾： （站在鋪頭外） 唔買汽水呀，唔夠錢架！

當然，包包姨姨俾左一罐冰凍的汽水哥哥，並話不用再補錢。 哥哥得意洋洋地拿住汽水和包，興奮地討論到底回家馬上喝還是吃完飯先喝汽水~

回到街口，見到清潔婆婆在工作。哥哥馬上話。。。

哥哥： 不如我地比罐汽水清潔婆婆飲呀~
麻尾： 好呀！你拿過去呀！

哥哥開心地拿著汽水跑去清潔婆婆那裏，說了幾句就滿足地跑回來。

毫不猶豫地和更有需要的人分享自己喜愛的東西，這個4.5嵗的小朋友真的很善良。

好叻豬

晚上麻尾叠衫，妹妹幫忙將哥哥的襪子找出來並配對。 然後，哥哥自己將以配對好的襪子曡好，並把襪卷好！妹妹見狀。。。

妹妹： 嘩！好叻豬呀！ （竪起手指公）
哥哥： （微笑，享受被讚揚的一刻）

邏輯王

星期六在街上看到一隻帶有口罩的大狗獨自在街上走。。。

麻尾： 隻狗自己行，無主人睇住。。。
哥哥： 唔係，它有主人架。
麻尾： 你又知？
哥哥： 因爲它帶左口罩，它自己唔識帶口罩架嗎，係唔係~？

妹妹大進步

妹妹這個月各方面都有明顯的進步！~

連續幾天可以在大廁所屎屎！和哥哥的進度一樣，在大概兩歲的時候可以在大廁所便便。

説話能力也明顯地進步不少，説話清楚了很多。 一天早上，只有哥哥妹妹起床了。。。

妹妹： $^WYE%^%。 （講完就問哥哥） 你聼唔聽到我講什麽？
哥哥： 聽到呀！

可能現在妹妹開始能清楚地表達她的意願，哭閙的情況也減少了。

非常喜歡看書聼故事，而且能明白故事内容，並會回答關於内容的問題。

加油！！！

幸福的麻尾

近來每天下午哥哥都會過來和麻尾及妹妹一起午睡。 雖然有時因爲哥哥妹妹一起閒談唱歌，到3點多先開始睡，但下午可以左擁右抱哥哥妹妹，一起談天説地，東拉西扯，唱歌講故事，是所有媽媽，尤其是在職媽媽夢寐以求的事情。

漸漸地，麻尾也沒有因爲放棄部分工作而覺得可惜， 反而更珍惜和哥哥妹妹一起的時間。 雖然有時會很勞氣，有時會被你們打鬧的聲音弄得很煩躁，有時會因爲要緊急處理公務而感覺壓力，但當見到你們互相照顧，分享食物，自理能力改善，並開始會主動分擔家務。 麻尾真的覺得很幸福。

唔好笑

中午。。。

哥哥： 麻尾，昨天婆婆話我個枕頭好似一舊屎。。。 （很平淡地說。。。）
麻尾： 哈哈哈~ （真的認不住笑，而且以爲哥哥也會笑。。。）
哥哥： 唔好笑呀！我覺得婆婆好無禮貌！（非常認真嚴肅！！）
麻尾： （麻尾馬上收起笑容，雖然見到哥哥突然嚴肅的樣子還是很想笑。） 你覺得婆婆這樣講很無禮貌嗎？
哥哥： （認真地點頭）
麻尾： 那你有沒有話俾她知？
哥哥： 沒有。
麻尾： 下次你見到婆婆要話返比她知道她這樣講你覺得很無禮貌，叫她下次唔好咁。

愛妹妹的哥哥

妹妹唔舒服扭計，麻尾也病了，被妹妹的哭聲弄得非常煩躁。而且大聲地叫妹妹停止哭鬧⋯ 這時哥哥走過來⋯

哥哥：（輕聲地）麻尾，你唔好咁大聲講野。溫柔d啦。

頓時，麻尾覺得有點不好意思，需要哥哥提醒。

哥哥記得麻尾講過妹妹越哭就越咳，越咳就越辛苦，然後繼續哭⋯ 惡性循環。

這時，哥哥突然左拗右拗，像隻猴子一樣。妹妹果然看傻了眼，忘記哭鬧。麻尾和妹妹也都冷靜下來。

過後想起麻尾覺得自己很慚愧，反而哥哥有耐性並幽默地化解了大家的煩躁，再一次，麻尾覺得 very impressed!!

複雜的情感

下午麻尾陪哥哥午睡⋯

哥哥：麻尾，如果我發猛增，你唔好同我講野。你越講我會越猛增。
麻尾：咁我應該點做呀？
哥哥：你應該唔好理我，由得我發猛增就得架啦。

原來年紀那這麼小就能明白和表達那麼複雜的情感，而且會要求其他人如何處理。麻尾 is impressed!!

哥哥妹妹的對話

哥哥：我唔要你呀

妹妹：下？你唔要我？點解呀？（無辜的眼神⋯ 誠懇的聲音⋯）

哥哥：我唔鍾意你呀！

妹妹：下？你講比我聽！（溫柔的語氣⋯）

爸比麻尾在旁已經笑到肚痛～

最期待的畫面

晚上和妹妹沖涼降溫，她在沖涼盆玩水，麻尾正在落妝。。。

妹妹： 麻尾，我痾屎。。。
麻尾： 係唔係呀？ （麻尾心想應該唔係，因爲早上已經痾了。。。但見到水有氣泡） 你痾尿尿呀？

然後繼續落妝。。。 洗完臉后再望妹妹。。。

最期待的畫面出現了！！！！

麻尾： 爸比！！ 妹妹痾屎屎！~~~~~

可憐爸比要將整盆水拿起再倒入廁所。。。 對不起。。麻尾沒有相信妹妹講的話。。。唔會再有下次。

好心腸的哥哥

中午回家途中見到一名大陸乞兒，在等過馬路時。。。

哥哥： 麻尾，個到有個乞兒呀。
麻尾： （看了看是大陸乞兒就不想比錢。。。） 係呀！但係好似唔係真係乞兒。。。 （唔知道點解釋。。。-_-"）
哥哥： 他系街到訓。。。
麻尾： 係呀！ 無屋企返係唔係好慘呀？
哥哥： （打蛇隨棍上） 咁不如比d 錢他啦~

麻尾雖然唔想助長大陸乞兒，但又想保護同培養哥哥的同情心，就俾錢哥哥俾乞兒。

乞兒收到錢后俾左個手指公哥哥以示讚揚！ 哥哥表示好滿足，笑得好開心！ 還是不用太早幫他練成鐵石心腸。 ：）

冬菇喵喵

講起丘叔叔鋪頭的貓貓⋯

麻尾：你知唔知道隻貓貓係咩顏色？
哥哥：（一臉認真，但其實根本沒有見過⋯）我知道啊，係冬菇色。

哥哥的意思應該係黑白灰色，但冬菇色的確比較貼切。

好man的哥哥

晚飯時⋯

哥哥：爸比，你今晚同我訓呀，唔好訓地下啦！
爸比：點解呀？
哥哥：因為我試過訓一晚地下，好唔舒服架！你都係上嚟同我一齊訓啦！

爸比當時的心應該很溫暖。：）

***********************************
晚飯後麻尾在洗碗，爸比打算和哥哥出去買noodle。

爸比：我哋兩個出去啊！
麻尾：你帶佢哋兩個出去啊～?
爸比：（安靜⋯）
哥哥：（好man地⋯）我哋兩個幫你睇住doo doo！！

最後爸比帶晒兩個小朋友出去，麻尾可以安心洗碗。

真係有陳瑜？

高班適應日的早上哥哥如常賴床⋯

麻尾：今日會見到班新同學，有陳瑜呀！

哥哥：（馬上很精神和興奮）真係有陳瑜？

唔知陳瑜同哥哥會唔會做好朋友呢？

妹妹第一次

晚上麻尾在煮晚飯。。。

妹妹： 麻尾，我痾屎屎。。。

麻尾馬上把妹妹送到大廁所，但其實屎屎已經在片片。不要緊啦，起碼開始會講。 ：）

晚飯后，哥哥痾完屎屎。 然後妹妹又話痾。 這次爸比在旁打氣，本以爲不會成功。 但聽到爸比興奮地鼓勵並大叫。。。

爸比： 係啦！出黎啦！hm 呀！ hm 呀！

妹妹昨晚成功地第一次通知大家要便便，並成功在大廁所完成！成功后，麻尾獎勵了一盒提子干比妹妹！立此存照！

生動的形容

晚上早吃完晚飯，一家人到 Pizza Express 吃甜品。 回家路上。。。

哥哥： 麻尾我返去要沖涼。
麻尾： 你今早游完水沖過涼啦wor~
哥哥： 我覺得個身好黐粒粒， 唔信你摸下我格肋底。 （舉起右手。。。 -_-"） 好似有口水係裏面呀！！ 你摸下~~~

承受後果

晚上在床上，哥哥拿了麻尾的電話玩。。。

麻尾： 你唔可以自己拿麻尾個電話wor
哥哥： 你點解放個電話係到呀？！ 你放個電話係到就要承受俾細佬仔搞既後果！！ （口若懸河地發表偉倫。。。）
麻尾： （被技術性擊倒。。。）

講呢D

中午回家哥哥好頑皮，弄得麻尾很勞氣。

麻尾： （黑面） 快點除衫沖涼！！
哥哥： （突然變得好溫柔） 麻尾，母親節快樂！ （母親節其實已經過左好耐。。。）
麻尾： （忍唔住甜笑） 多謝你！ （雖然仍然好惱，但又要有禮貌多謝返哥哥。。。）
哥哥： （勝利的笑容） 我一講呢d 野你就笑返~ 哈哈哈哈~

-_-"

麻尾痾屎屎

妹妹： 麻尾痾屎屎。。。

講完后，見到妹妹開始痾屎屎。 雖然係痾在片片裏，但已經開始意識到便便要同麻尾講。 好大進步！！

信任，自由玩

昨天中午快要午睡時。。。

哥哥： 麻尾，我唔想訓覺呀。。。
麻尾： 唔訓你會做什麽？
哥哥： 自己玩。
麻尾： 如果你可以安靜地玩，唔吵醒妹妹，就可以唔訓覺。 我可以信任你嗎？
哥哥： 可以！

麻尾然後陪妹妹訓，哥哥真的沒有發出太大的聲響。 只是偶爾會聽到東西跌落地下的聲音。 三小時后。。。 大廳一切基本正常，見到本來在鞋櫃裏很重的文具盒在凳子上。

麻尾： 你頭先做左d 咩呀？
哥哥： 我拿左個文具盒出黎。。。你聼唔聼到"磅" 一聲？ 個盒太重跌左落地下。 ：） 跟住我用d 雙面膠紙痴住個釣魚竿。 ：） 然後我自己砌埋個小砌圖。 ：） 又睇左三國圖書。 ：） 重自己去廚房斟水飲。 ：） （很滿意的樣子）
麻尾： 開唔開心？
哥哥： 好開心呀！

麻尾其實都很開心哥哥可以履行他的承諾，安靜地自己玩。 哥哥真的長大了。

打和， 繼續

今日麻尾打平了哥哥同妹妹餵人奶的時間。

當年哥哥最後一天吃人奶是 2014 年 8 月 28 日，當日麻尾出差歐洲。 不知道爲什麽好記得這個日子。 一年之後的同一日，妹妹就出生了。 ：）

麻尾會繼續努力！ 希望妹妹會自然離乳。

半職媽媽

開始了半職媽媽的生活差不多一個半月，一切比想象中來得自然。 最開心的是看到哥哥和妹妹的感情突飛猛進，每天哥哥臨入校門前都會和妹妹來一個擁抱。早上見面的第一個反應是微笑和揮手。 哥哥的情緒也比之前平穩。 嫲嫲和婆婆都明顯地輕鬆了不少， 而麻尾的廚藝更是進步了很多。 原來每天能夠為家人親手準備晚飯，感覺好幸福。

雖然是做多了家務，但反而沒有以前返全日那麽累。 人的思想壓力減少了，情緒和脾氣也變得較平和。 平靜和溫暖的家庭氣氛對所有成員都有正面的影響。

叻

妹妹近來説話多左，也開始講完整的句子。

晚餐后。。。

妹妹： （爬上大人凳子，指住桌上的粟米） 哥哥食完粟米~ （竪起拇指，向著哥哥） 叻!

***************************************************

和哥哥爭書本。。。

妹妹： 哥哥唔好搶我本書書呀！

一定係麻尾

爸比： 我今日係街到見到個女仔好靚架~ （自我陶醉中）
麻尾： 邊個黎架？
哥哥： （不加思索） 一定係麻尾黎架啦！
爸比： （滴汗。。。）

^o^ 簡單真誠的一句令到麻尾甜都漏~~

幫助別人

準備離開公共圖書館的時候，出口旁的圖書管理員正在把圖書放進還書機，並不小心把一部分的圖書弄跌了。 哥哥本來打算離開，見狀馬上走囘管理員身旁幫她拾起圖書。

沒有人叫哥哥幫忙，麻尾慚愧地沒有想過要幫忙。但哥哥主動幫助他人的行爲，真的令麻尾號感動。 ：）

開心哥哥

跆拳道教練問爸比。。。

教練： 你地平時係唔係成日讚他？
爸比： 。。。 都係既。
教練： 他成日都笑。 就算俾我罰企，他都笑笑口。 然後我叫他嚴肅點，他嚴肅一陣之後又忍唔住笑。。。

^__^ 希望一直都是這樣~ 輕鬆地面對一切事情。

唔得閑

中午爸比吸塵，讓哥哥看10分鐘 youtube，10分鐘到后。。。

爸比： 夠鐘啦wor~
哥哥： 好！但係你依家唔得閑拿呀嗎~ （爸比還在吸塵。。。）
爸比： 。。。 好啦! 咁吸完塵先比返我啦~

細心的哥哥

~爸比篇~
爸比： 我夜晚都係唔同你訓啦。
哥哥： 點解呀？
爸比： 我驚d 鼻寒吵醒你~
哥哥： 唔好啦！我好鍾意聼你d 鼻寒聲!

-_-" 咁既説話都講得出。。。 但爸比表示已經冧爆！

~麻尾篇~
大家在討論誰會訓上格床。。。

爸比： 邊個想訓上格床既舉手~

麻尾同哥哥同時舉手。。。

爸比： 麻尾好論盡wor。。。 訓唔到上格床。
麻尾： 吓？！（扁嘴表示失望）
哥哥： （馬上張開雙臂） 好啦！我chum 埋你玩，一齊訓上格床呀！

麻尾表示好滾動！！

~婆婆篇~
麻尾同哥哥去惠康買日用品。 哥哥走到一半突然跑回頭，再囘來的時候抱著一棟盒紙。

哥哥： 麻尾，我地不入買呢個比婆子呀！

麻尾細看后，發現那是印有 Little Twin Stars 既盒紙。婆婆最喜愛的卡通公仔！！

專心開車

坐的士去海怡看碌架床， 上車后司機撩哥哥傾計。 傾得正開心。。。

司機： Aiya。。 掛住講野行錯路添。。。

找回正確路綫后司機再和哥哥講野，剛講兩句。。。

哥哥： 你都係唔好講野！專心揸車啦，如果唔係又行錯路架啦。
司機： 知道！

搭lift

晚上哥哥回家時馬上沖入電梯，並大叫了一聲。電梯裏有其他住客，麻尾狠狠地盯了哥哥一下。。。 電梯關門后，哥哥偷望了麻尾一下，意識到自己剛才做錯了。

哥哥： （溫柔的聲綫） 可唔可以錫一啖呀？
麻尾： （由本來的怒火沖天，到被融化，並偷笑） 咁好？

真係嬲唔落！

吳邦邦

教妹妹叫爸比名字。。。

妹妹： 吳邦邦 （自己笑~~）

鼻鼾声

在嫲嫲家，妹妹房間。。。

嫲嫲： （指住妹妹的bb 床）我遲d 換張單人床。比爺爺訓！爺爺的鼻鼾大聲到呢~ （問哥哥） 你聼過未呀？
哥哥： （很有信心） 梗係聽過啦！同爸比個d 一樣！

Waakakakaa~~ 爸比都在場！

交換

晚飯時。。。

哥哥： 麻尾，你聼日過來既時候拿一粒朱古力棉花糖過來比我比公公呀！
麻尾： （以爲粒棉花糖是哥哥乖的時候等公公可以獎佢） 粒糖係比你食定係比公公食？
哥哥： 比公公食的。
婆婆： 點解我無糖食既？
哥哥： 你都無糖交換！

原來如此。

性格

中午吃飯時哥哥有點不禮貌的行爲，麻尾碎碎念。。。 哥哥一直沒有回答。

麻尾： （有點生氣） 係唔係唔應人？！ 係唔係無禮貌！？
哥哥： （輕嘆一口氣） 唔係。 我只係唔想同你講野。

麻尾有點驚訝哥哥的回答，但同時也理解他的心情。 自問自己也很討厭其他人一直碎碎念。 麻尾驚嘆也開心哥哥能夠那麽坦誠而準確地講出當下的想法。

麻尾要記住盡量給予最大的空間讓你們自由發展自己的性格，也鼓勵你們坦白地說出心底話。 麻尾會學習尊重和認同你們當下的情緒，在適當的時候才加以指導。

BB 話

現在晚上會和哥哥妹妹一起講故事，妹妹開始聼得懂故事，也很喜歡。大家坐在床上，蓋上被子。哥哥在右邊，妹妹在左邊。。。

麻尾： 呢隻 wow wow 就叫 Clifford。。。
哥哥： （好嚴肅的語氣） 你講故事比我聼定係講比dodo 聼！
麻尾： （有點嚇到） 我講比你聼。 （因爲那本書是哥哥選的）
哥哥： （繼續好嚴肅） 我唔要聼bb話！
麻尾： （忍笑中。。。） 好知道。

聰明的鯊魚

哥哥： 如果游水有鯊魚點算？
麻尾： 沙灘有防鯊網，唔會有鯊魚的。個防鯊網由水面到海底圍住個沙灘，鯊魚入唔到黎。
哥哥： 如果鯊魚係海底挖條隧道入左防鯊網呢？
麻尾： 咁呢條就係聰明的鯊魚。

逗利事

新年到親戚那裏逗利事，親戚比兩封利事哥哥。。。

哥哥： （拿一封） 一封夠啦。
親戚： （大笑） 拿埋啦~ （推利事比哥哥）
哥哥： 唔洗啦！唔洗啦！ （推返比親戚）

不貪心的哥哥。 ^o^

麻尾生日快樂

麻尾生日當天是大年初一，一家人吃飯和慶祝。 麻尾和爸比和哥哥妹妹一起吹蠟燭，吹完后。。。

嫲嫲： 朗言，你祝媽媽咩呀？
哥哥： （認真地想了想） 我祝你身体健康！

麻尾心裏頓時覺得好溫暖~ 沒有人教過哥哥要這樣講，而麻尾真的希望大家都健健康康！！！

**********************************************************

生日飯的時候叔叔買了車子貼紙薄，打算整蠱哥哥一下。。。

叔叔： 今日邊個生日呀？
哥哥： 麻尾。
叔叔： 哦！咁個禮物無得送俾你啦，都唔係你生日。 （邊講邊拿著貼紙薄揮動~~）
哥哥： （馬上顯得有點緊張） 咁唔得wor！ 你比左我先啦，做新年禮物！
舅父： （加入戰團） 吳朗，我份新年禮物呢？

哥哥未有理會舅父，繼續想辦法得到貼紙薄。。。 片刻過後。。。

哥哥： 麻尾你鍾唔鍾意車呀？
麻尾： （沒有意識到情況。。。自然地答） 唔鍾意。
哥哥： （沒有放棄。。。） 唔好啦，你鍾意啦！咁叔叔可以送貼紙薄比你。

原來叔叔話生日那個先有貼紙薄，哥哥想透過麻尾幫他收貼紙薄！！ 這樣就沒有違反叔叔定下的規矩拿到貼紙薄。。。。 這個麻尾真的想不到！ 真是厲害！^o^

兄妹

早上哥哥吃早餐時妹妹一直站在旁邊，靜靜地望著哥哥，沒有搗蛋。 哥哥有時會輕輕地捏下妹妹個鼻，妹妹可會碰一下哥哥的鼻子，然後兩人互望微笑。

這小小的互動看在麻尾眼裏份外窩心。 希望你們倆永遠相親相愛，互相照顧。

暴龍話

晚上哥哥和爸比玩暴龍話 （和老師話一樣）。

哥哥： 暴龍話，耳仔掂住膝頭哥。
（爸比彎曬腰好辛苦才能做到這個動作。。。並hold 住。。。）

哥哥： （笑著話。。。） 跳10下！
（爸比用一個驚訝的眼神望住哥哥。。。 意思： 唔係呀嘛？！ 好彩唔洗做因爲無講暴龍話！）

哥哥： （見爸比無反應就奸笑。。。） 暴龍話，跳10下！！
（這個時候麻尾已經笑到收唔到聲，見到爸比無奈但又想繼續玩下去的樣子真的很搞笑。爸比歪著頭勉強地跳。。。）

哥哥： （覺得好好玩~~） 跳50下！！！ （waakaka~ 麻尾已經接近胃抽筋~~）
哥哥： （馬上再講） 暴龍話： 跳50下！~

wakakaaa~~ 大家已經笑到講唔到野！~ 有拍下 video，以後可以慢慢回味！！

禮貌大使

今天終于輪到哥哥做禮貌大使。 爺爺和嫲嫲都有來支持！ 由於學校門口爆水管，哥哥被安排站在校車隊那邊的門口。 未開始的時候哥哥經常扮鬼臉。 但校車隊來到時他就正經地彎腰並大聲講早晨！！

他見到熟悉的同學是會先叫他們的名字。。。

鍾紫瑤早晨！
葉天賞早晨！
何以心早晨！
彭子箐早晨！

全部都是女同學！！！

見到其中一個搭校車同學。。。

哥哥： （指住同學） 你有鼻涕！

哥哥又不時和惠玲姑娘傾計，表現輕鬆！ 和校長合照時都照樣扮鬼臉！！~ 希望哥哥繼續成長為一個有自信和有童真的小朋友！

賣旗

星期六哥哥第一次賣旗。 前一晚麻尾和他預習~


哥哥：請問可唔可以幫我買支旗呀？
麻尾：可以。（扮放錢落錢袋）
哥哥：多謝。（扮幫麻尾貼旗仔）
麻尾：好！依家掉轉。請問可唔可以幫我買支旗呀？
哥哥：（想了半秒，然後奸笑！）一百蚊！！貼貼貼貼貼貼貼！


剛拿旗袋后，在學校門口。穎琳爸爸第一個幫哥哥買旗，他輕輕把硬幣放進旗袋。。。
穎琳爸爸：我放左錢入去啦，可唔可以比支旗我呀？
哥哥：（好認真）我都聼唔到d錢跌落去。。。
穎琳媽媽：（狂笑）穎琳爸爸你再買過啦~~


有個姨姨和小朋友走過來，姨姨叫小朋友入左20蚊。 哥哥馬上幫小朋友貼上貼紙。
姨姨： 可唔可以比多張我呀？
哥哥： （一臉認真） 你要再比錢先可以比架wor！
姨姨： （有點無奈） 我個份頭先同小朋友一齊比左啦~
哥哥想了想先幫姨姨貼多張貼紙。
哥哥全程自己拿旗袋，也好主動地走向不同人要求買旗。 眼光也特別好！！ 選中的大部分人都會幫他買。
要一個4嵗的小朋友主動向陌生人要求買旗，真的需要好大的勇氣！！ Well Done！！

多謝

麻尾昨晚整了羅宋雑菜湯，哥哥喝了一口后。。。

哥哥： d 湯邊個煮架？
麻尾： 我呀！
哥哥： （好有誠意地） 多謝你整野比我食！
麻尾： （甜到漏~~~） 多謝你食我整d 野！

原來被人欣賞的感覺非常好！

Marker 筆

最近學校的專題教育是顔色筆。

哥哥： Marker 筆，又姐係白板筆， 又姐係麥克筆！
麻尾： 咁多名架！
哥哥： 係呀！ 就姐係好似dodo，又姐係吳倩怡，又姐係吳倩do，又姐係妹妹！

邏輯人

晚上和哥哥玩老師話。哥哥坐在窗臺上。。。

麻尾： 老師話舉手！
（哥哥舉手）

麻尾： 老師話坐係到！
（哥哥站起來，半秒后坐下）

麻尾： （奸笑） 做錯左~
哥哥： （不慌不忙） 要企左起身先可以坐低架嗎！

麻尾： 。。。 又好似係。。。

非洲話

我們在妹妹面前討論怎樣才能把妹妹手上的玩具拿到手，但又不會整喊她。

麻尾： 妹妹現在唔識聼，所以我地可以係她面前講。
哥哥： 如果到時識聼呢？
麻尾： 我地就講普通話。
哥哥： 如果她識聼普通話呢？
麻尾： 我地就講英文。 如果她識聼英文呢？
哥哥： （奸笑） 我地就講法文！
麻尾： 如果她識聼法文呢？
哥哥： （發揮創意） 我地就講。。。 （想了一下） 非洲話！！

與姨姨B 對話

哥哥回到大堂就馬上沖進電梯。。。（平時一定會在大堂玩一會兒）

姨姨B： 你今日咁乖自己返屋企呀！
麻尾： 有雪糕食呀嗎。
姨姨B： 我又同跟你返屋企食！
哥哥： 唔得呀！你要返工呀。如果唔係老闆會炒你魷魚架！
姨姨B： 炒魷魚我都要跟你去食雪糕！
哥哥： 炒左魷魚你就無錢架啦！
姨姨B： 無錢你比錢我未得咯！
哥哥： 我唔會比錢你架！ 你要自己賺。

小小男子漢

爸比出去吃晚飯，只有麻尾帶著哥哥和妹妹去咖啡姐姐那裏吃蛋糕。 出門時。。。

麻尾： 爸比今日唔係到，你要乖。 麻尾要揹住妹妹，你要跟實我。
哥哥： 好！爸比唔係到我就做爸比啦！

好man的人仔！

為他人著想的哥哥

麻尾答應哥哥如果他自己吃完晚飯不用餵，就會帶他去咖啡姐姐那裏吃蛋糕。 哥哥完成任務並自行穿好衣服。。。

哥哥： 麻尾，我地一陣叫個蛋糕無酒架啦！（上次的朱古力蛋糕有好重的酒味）
麻尾： 點解呀？
哥哥： 因爲我想比小小妹妹食呀。
麻尾： 咁睇下千層蛋糕有無酒，如果有呢？（上次本來想吃千層蛋糕，但已經賣完）
哥哥： 就叫咖啡姐姐比個無酒既蛋糕，因爲妹妹要食。

妹妹如果知道哥哥從小就那麽照顧她，她一定好開心。

陳老師屋企有。。。

校慶后和哥哥到7-11買維他奶， 無聊的對話如下。。。

麻尾： 學校今年有沒有新老師？
Gee： 有呀！有馬老師。
麻尾： （開始無聊。。。） 馬老師屋企有好多咩呀？
Gee： （笑） 有好多馬！
麻尾： 楊老師屋企有好多咩呀？
Gee： 有好多羊！
麻尾： 老師屋企有好多咩呀？
Gee： （奸笑） 有好多塵！
麻尾： （想個難一點的） 黃老師屋企有好多咩呀？
Gee： （已經好識玩） 有好多黃椒！
麻尾： 馮老師屋企有好多咩呀？
Gee： 縫針！

監察爸比

晚上哥哥都需要和爸比看書，講故事和問問題先睡覺。 爸比通常等哥哥睡着后就會出廳自己訓，但有時會被哥哥發現並被召回哥哥房間。

爸比話有一晚爸比在哥哥房間睡着了，到半夜的時候發現哥哥把腳踩到地上看看爸比有沒有靜靜偷走出房間。

哥哥可能太累了，懶得打開眼睛看爸比。 直接踩下爸比有沒有在房間。 ：）

哥哥的 Goodnite Kiss

昨天晚上妹妹睡著后，見到哥哥還未睡。 哥哥就要求和麻尾訓。 並要在訓前玩一次 "老師話" 的遊戲。 （麻尾當晚剛剛教哥哥玩這遊戲）

然後哥哥再要求麻尾講一個 "爸比麻尾比壞人偷左野，然後壞人比警察叔叔抓左既故事"。

麻尾好用心講了這故事后，可以感覺到哥哥非常滿意。 講完后，大家同意訓覺。

哥哥突然轉身在麻尾面上錫了一下！！！然後自己訓返低！

這是哥哥第一次這樣做！~

麻尾超級開心！！

不知道是不是今天下午麻尾帶左哥哥和妹妹去遊樂場玩，晚上又和哥哥玩新遊戲及用心講故事，所以哥哥特別喜歡麻尾~ ：） 錫完麻尾之後令麻尾覺得就算要親身照顧哥哥妹妹而放棄現在的工作都是值得的！！ 哥哥親吻的魔力真是強大！~

恐龍老師

Gee 進來好喜歡看有關恐龍的書，對恐龍的知識都增長不少。 晚上。。。

Gee： 麻尾，你做學生，我做老師，你問我關於恐龍既野呀。
麻尾： （舉手）~
Gee： 賴婷婷，咩事？
麻尾： 老師，可唔可以講3種食草既恐龍？
Gee： （很有信心地娓娓道來） 三角龍，腕龍同劍龍！
麻尾： 老師，可唔可以講3種食肉既恐龍？
Gee： 暴龍，棘龍。。。err。。。 （一本正經地。。。） 依個暫時答唔到你。 等爸比出來再問下佢先。

爸比唔好嘈！

晚上爸比和 Gee 在房間睡覺，麻尾在廳織帽子。爸比的鼻鼾聲巨大。。。

Gee： （很有禮貌地。。。） 爸比唔好嘈。

鼻鼾聲只是消失了三十秒。。。 ZZZZzzZZzz~

Gee： 爸比唔好嘈。。。（好似覺得要再有禮貌一點爸比先會安靜） 唔該！~~

哥哥上學

現在妹妹都會送哥哥上學。 起初的時候，哥哥一走進校園，妹妹就會指著門口想哭得樣子，並念念有詞。

麻尾： 哥哥呢？
妹妹： （哭著的樣子，指住學校門口） ·#%RGTERT%￥。 （做手勢） 無~~

兄妹互動

現在開始見到哥哥和妹妹的互動。 例子如下：

哥哥拿了妹妹想要的玩具，高舉雙手由廳走到房間，再由房間走到廚房。 妹妹就緊隨在后，不斷大叫 "俾~~~ （高音）"。 哥哥就一邊跑，一邊奸笑。 妹妹經過爸比身旁會停低，指住哥哥講 "rw$^#%RFdgs"，大概意思應該是向爸比投訴。 妹妹見爸比沒有反應，就用力望住哥哥，聚氣一下，然後繼續追著哥哥大教派 "俾~~~ （高音）"。

*****************************************************************************************************
哥哥每天都想妹妹和麻尾一起送他上學。。。

哥哥： 麻尾我想你同妹妹陪我返學呀。
麻尾： 你問妹妹得唔得先。
哥哥： Dodo~ 陪哥哥返學得唔得？
妹妹： 得~~

*****************************************************************************************************

你兩個湊

一天下午。。。

麻尾： 你鍾唔意鍾意婆婆湊你呀？
Gee： 唔鍾意！（麻尾大驚。。。 Gee 繼續講） 我都唔鍾意嫲嫲爺爺湊，都唔鍾意叔叔 Bertha 湊。我想你兩個湊我呀。
麻尾： 邊個係"你兩個"？
Gee： （天真無邪地看著麻尾。。。） 你同爸比咯！

>_<~~ Gee 那麽細，沒有可能會作以上的説話。那麽 Gee 就是真心想爸比麻尾湊返。。。 麻尾感動又心疼。

驕傲

中午和加拿大姨婆飲茶，姨婆稱讚哥哥自己吃飯好叻。

公公： 唔好成日讚他，他會驕傲的。
姨婆： （問哥哥） 你知唔知道驕傲係點解？
Gee： （理所當然地。。。） 驕傲姐係覺得自己好叻咯！

Gee 真的能夠理解驕傲的意思，並可以用自己的語言來解釋這個抽象的意思！！對於未夠4嵗的Gee來講真是不容易！

關心麻尾

昨天麻尾準備晚飯時不小心切到手指流血，並包上膠布。

麻尾： （換膠布時。。。） 哥哥，看下我個傷口~ 好疼呀！
Gee： （不加思索地。。。） 麻尾，今晚你唔好同我沖涼啦！爸比同我沖啦，你整親手指。

麻尾真是感動又心甜。Gee 是真心關心麻尾，也會為他人著想！好man呀！！

沖完涼。。。

Gee： （突然想起。。。） 麻尾，之前你切到手我叫你小心d，點解你今次又切到手架？！ （語氣有點強硬，但麻尾覺得 Gee 好着緊麻尾~~）
麻尾： 我切完蘑菇打算把刀上面的蘑菇撥出來，手指不小心就碰到刀鋒，然後就受傷啦。。。 我都唔想架 V_v
Gee： 你下次用叉或者匙羹撥未得咯！
麻尾： 又係wor！下次用工具未唔怕切到手咯！

有時，Gee 的建議真係幾合適。

禮貌大使

哥哥學校舉行禮貌大使活動。 每天早上有幾位被挑選的禮貌大使站在學校門口向進校的同學鞠躬及講早晨。

麻尾： 點樣先可以做到禮貌大使架？
哥哥： 要乖咯。
麻尾： 你可唔可以同老師講話你想做？
哥哥： 唔洗架，老師會知道你乖唔乖同埋想唔想做。

其實麻尾和爸比都覺得哥哥好想做禮貌大使，因爲他每次都用羡慕的眼光看著禮貌大使的同學。

幾個星期后。。。終于收到邀請哥哥做禮貌大使的通告。告訴哥哥后。。。

哥哥： （超級興奮和高興地大叫） 好野！！！！ （然後喋喋不休地講） 禮貌大使呢會挂一條好靚既絲帶，同埋會有個牌架！！

原來哥哥一直都好留意禮貌大使的裝扮。 ^o^

妹妹長大了

妹妹的金口開始開了。妹妹現在會講，拜拜，得，食，爸比，無，貓貓，wow wow，奶奶，比，麻尾，爺爺，波波~

早幾天訓覺時妹妹訓在我肩膀上，我叫她"殊"。她就把食指放在嘴唇上并發出"殊"的聲音，然後麻尾就忍唔住笑到震。。。 妹妹又跟住笑到震！！ 笑完一陣又"殊"過，妹妹這次唔等麻尾笑，就自己笑出聲先。這樣重復玩了好幾次。

沒有東西比這些時刻更珍貴！

想你開心點

晚上大家在床上玩。。。

爸比： 哥哥你聼日想邊個帶你返學？
Gee： （指住爸比）
爸比： （沾沾自喜又好奸的樣子） 爸比同麻尾湊你返學有咩唔同呀？
Gee： （想了一下） 無唔同呀！

爸比死心不息。。。

爸比： 咁點解你選爸比同你返學既？
Gee： （不加思索） 因爲想你開心d 咯！

Waakakaka~~

高手

晚上大家在床上玩。。。

麻尾： 哥哥，你覺得何以心靚d，定係陶希藍靚d？
Gee： （不加思索） 我覺得麻尾靚d！

Waakaka~~ 真係冧女高手！

多謝

中午在婆婆家等吃中午飯，Gee 突然走過來。。。

Gee： 麻尾，我可唔可以同公公講多謝呀？
麻尾： 可以。 （雖然唔知無啦啦點解要講多謝，但講多謝當然可以啦~）

Gee： （走到公公面前） 多謝公公！
公公： 點解多謝我既？
Gee： 多謝你煮野比我食。

嘩！！ 麻尾聽到都好心甜。Gee 留意到其他人為照顧他的付出。      

麻尾肚腩

近來麻尾每次在嫲嫲那裏餵完妹妹，準備穿衣服的時候，妹妹都會走過來攬住麻尾的肚腩。

好喜歡個肚腩的樣子，可能她記得之前在裏面住過。 ^o^

妹妹生日蛋糕

麻尾： 妹妹就快生日，你幫妹妹手選個蛋糕呀！
Gee： 好呀！選完蛋糕之後呢，麻尾就係上面加d 奶奶！因爲妹妹鍾意飲奶奶。

返工

昨晚幫 Gee 沖涼的時候問。。。

麻尾： 麻尾以後唔返工每日陪你好唔好？
Gee： 陪我做咩呀？
麻尾： 每日接你返學放學咯。
Gee： 好呀！

麻尾開心了幾秒。。。

Gee： 麻尾，你都係返工啦。
麻尾： 點解呀？
Gee： 因爲我想你返工賺 money 買野食。
麻尾： 噢。
Gee： 因爲你要食好多野，所以要返工賺 money。
麻尾： 知道。。

其實Gee 同麻尾一樣gum 大食。。。 -_________-"

調位

Gee 中午飲茶時不專心吃飯，麻尾不高興地瞪了Gee 一下。。。

麻尾： （不高興的樣子） 你好快d 食啦，如果唔係麻尾嬲架啦！

Gee 不作聲。 幾秒后。。。

Gee： 麻尾，你可唔可以調位呀？
麻尾： 點解呀？
Gee： 因爲我唔想見到你個醜樣呀。

-____-" 之前麻尾講過如果麻尾嬲既時候樣子會變得好醜怪，所以叫Gee 唔好激到麻尾嬲，因爲麻尾唔想變醜樣。

善良的哥哥

晚餐后，婆婆切好了一小塊一小塊的蘋果比麻尾和Gee一起吃。 吃到最後兩塊，其中一塊已經開始氧化，顔色比較黃。

Gee： （指著已經氧化那塊蘋果） 麻尾，我食黃色個塊，你食白色個塊。因爲我驚你吃左黃色個塊會肚疼呀。

很細心的哥哥。

我們在婆婆家借了個旅行的箱子準備下星期爸比和Gee 去新加坡旅行用。Gee一路上幫麻尾推箱子，推到大廈街口時。。。

Gee： 麻尾，我今日唔跑啦。（平時Gee 一去到街口就會拔足狂奔） 因爲我怕你唔夠力推個喼。

Gee這些窩心的小舉動可見Gee 是個溫柔且善良的好哥哥。

我唔飽呀

Gee 剛剛吃完飯。。。

Gee: 麻尾，我唔飽呀！
麻尾： 你arm arm 食完飯wor。 gum 返屋企食水果啦。
Gee： 我食完水果都唔飽架。 要食一粒糖先飽。

-_______-"

麻尾，你煮d野好好味呀！

星期六下午Gee 本應該要睡覺，但搞了很久都未訓著。 麻尾有點生氣問其實Gee是否肚餓，如果係，可以吃煮給妹妹的通心粉。 Gee表示同意。 麻尾幫Gee 弄好食物后回房間休息。 聽到Gee在桌子上玩。。。

麻尾： （生氣的語氣） 你係唔係食架？！
Gee： 係呀！ （幾秒后。。。） hm！ 真係好味呀！

麻尾原本的生氣完全沒有了。

Gee： （繼續誇張大聲地。。。 每吃一口就講。。。） hm~ d 通心粉真係好味呀！ hm~ d 蘿蔔真係好味呀！ hm~ d 節瓜真係好味呀！ （還未講完。。。） hm~~ 麻尾，你煮d野好好味！！ （見麻尾沒有回應，直接走進房間再講） 麻尾，你煮d野真係好好味呀！ 攬住好唔好？

麻尾由本來的生氣在兩分鐘内變成甜笑。

10個半月的妹妹

妹妹現在聼得懂奶奶，媽媽，爸爸，哥哥，蘋果，星星餅，波波，monkey，bom bom 被，咬咬咬，舉手，好野（然後拍手）。

妹妹可以自己站立十幾秒，經常站立后自己放開雙手。 妹妹非常喜歡哥哥，每次見到哥哥都會使勁的爬/轆過去。

現在下門牙有兩隻，心形舌有改善。會咿咿呀呀地自己説話。也會爬行和扶著家具到處走。

晚上還是起身兩，三次，已經訓左爸比個位。吃固體好多了，但還是拒絕用樽飲奶。

不經不覺原來妹妹已經就快一歲，麻尾要努力享受現在的一切一切。

祈禱

在散學禮派對上，有個祈禱環節。由其中一位同學的媽媽帶領禱告，一開始的時候所有同學都自動合起雙眼，雙手合十。 但幾秒后，Gee開始不耐煩，並想飲面前的紙包飲品。 可是禱告又未完成，只好繼續閉起雙眼，張口去飲。 由於看不到飲管的位置，Gee一邊合埋眼睛，一邊嘟起嘴仔尋找飲管，畫面有趣！

甜心哥哥

麻尾昨晚和Gee 一起刷牙。。。

麻尾： （一邊撥弄頭髮。。。） 唉。。。 麻尾有好多白頭髮呀。 嗚嗚嗚~ （扁嘴及彎腰比Gee看白髮）
Gee： （突然放下牙刷，很溫柔地講。。。） 攬住好唔好呀？
麻尾： 好！！
Gee： （攬完之後，Gee 馬上再看麻尾頭上的白髮，有點失望。。。） 重係到wor。。。
麻尾： 麻尾已經好開心啦~~~~~~ （麻尾已經甜到唔介意d白頭髮）

奶~ 奶~

妹妹第一個有意識的詞語竟然是。。。 奶~ 奶~

妹妹半夜醒左麻尾唔理她，她等左一陣就。。。

妹妹： 奶奶奶奶~

每晚臨訓，如果爸比麻尾同哥哥玩得太耐，而妹妹又想訓覺，她也會叫奶奶~~~ ^o^

解決問題

晚上在婆婆家就快吃完晚飯，突然收到爸比的 Whatsapp 要幫Gee 買奶粉。 但麻尾沒有帶銀包。。。

麻尾： 我地一陣先返屋企拿銀包，然後再落返去萬寧買奶奶。
Gee： 咩話？
麻尾： 麻尾無帶銀包，所以要返屋企拿。
Gee： （眼碌碌） 問婆婆拿錢未得咯！
麻尾： （麻尾之前完全沒有想到） 係wor！咁你都諗到！！

Gee 真係好叻解決問題！

靚女

傍晚出去吃飯，在樓下等的士。 爸比背著妹妹，麻尾拖住Gee。 迎面有一對年輕情侶走過，他們走近的時候，女的突然大驚。。。

女： （抓住男朋友把他拉停並指住妹妹） 嘩！好靚女呀！！

麻尾見到爸比沾沾且得戚的樣子！！！

回到家。。。

爸比： （繼續沾沾自喜） 好威呀！我都未試過拖靚女出街！
麻尾： -______-""

窩心的Gee

晚上在公公婆婆家吃完飯，已走出走廊準備回家。。。 麻尾準備關門的時候，Gee 急忙奔跑回來。。。

Gee： （大叫） 唔好關門住呀！！
麻尾： 咩事？
Gee： （一邊急衝回公公家，一邊回答。。。） 我唔記得錫公公呀！

一轉眼Gee 已經攬住公公。 錫完左邊面，錫右邊面！錫完就一支箭咁跑返出去等電梯。

麻尾在旁看到都覺得好心甜，公公更是甜到入心窩！！

對話

爸比帶Gee 去跑馬地室内兒童遊樂場玩。 Gee 和其中一個小朋友的對話。。。

小朋友： Hello， BB！
Gee： 我唔係BB，我係哥哥。
小朋友： 我5嵗架啦！
Gee： （理直氣壯，充滿信心） 我3嵗架啦！
小朋友： 。。。 。。。

唔係你講

唔係你講
晚上在婆婆家Gee 有點頑皮，麻尾也有點太累。麻尾用力拉Gee 出去洗手。。。
Gee： （好正經地） 麻尾，你整到我d骨頭呀。
麻尾沒有反應。
Gee： （好正經地） 麻尾，你整到我d骨頭呀。
婆婆這時候進來。。。
婆婆： 你疼唔疼呀？
Gee： 疼呀！
婆婆： 好啦！麻尾下次小心d唔會整到朗言架啦！
Gee： （樣子非常嚴肅！沒有一絲笑意。眼神好堅定地望住麻尾） 唔係你講，係麻尾講！
他的用字，語氣，表情都和麻尾之前要求Gee 做錯事要自己道歉，而不是婆婆代爲道歉一樣！！！本來應該馬上配合講話下次唔會，但麻尾被Gee 的回答搞到哭笑不得！！最後。。。
麻尾： 對唔住！麻尾大力左整到你！
Gee： 嗯。
麻尾： 你應該講咩呀？
Gee： 講咩呀？
麻尾： "下次唔好啦！"
Gee： （馬上偷笑。。。）下次唔好啦！

多謝你經常提醒麻尾要注意自己的言行舉止，因爲你一直在身邊看著，學著，監督著。